Senado miawhag pagsusi sa pagpatay

SuperBalita Cebu - - BALOR SA KUWARTA - SHEILA C. GRAVINEZ / Reporter

Nakaabot na sa Senado ang kabalaka sa sunodsunod nga pagpamatay nga nahitabo dinhi sa Sugbo sa mga operasyon sa kapulisan batok sa gidili nga drugas.

Kini samtang, giklaro ni Cebu Archbishop Jose Palma nga wala sila nanalipod og drug pushers o mga nalambigit sa gidili nga drugas sa ilang pagdawat sa usa sa duha ka mga survivor sa Malubog killings nga si Sharmaine Puran.

Ang mga senador nga sakop sa minority bloc nanawagan og imbestigasyon sa uwahing sunodsunod nga pagpamatay sa Sugbo ubos sa “one-time, bigtime” anti-illegal drug operations

sa Philippine National Police. Ang mga minority senators naglakip nila ni Leila de Lima, Paolo Benigno Aquino IV, Risa Hontiveros, Kiko Pangilinan, Antonio Trillanes IV ug Franklin Drilon.

Sa giduso nga Senate Resolution No. 915, ang mga senador gibati og tumang kabalaka

sa uwahing mga pagpamatay nga nahitabo sa Sugbo gumikan sa giingong pagkalambigit sa pipila ka mga pulis sa kampanya batok ilegal nga druga.

“The allegation that police officers themselves are behind some of the killings is highly

disturbing,” tipik sa maong resolusyon diin nakadawat og kopya ang Superbalita Cebu gikan sa buhatan ni de Lima kagahapon.

Matod nila, isip tigpanalipod sa balaod, ang PNP angayan nga motuman sa insaktong operational procedures aron matuman ang obligasyon sa organisasyon nga tahuron ang tawhanong katungod sa mga tawo.

Gibutyag ni Palma nga gitugyan na nila ngadto sa Commission on Human Rights si Puran.

Iyang gitataw nga igo sila nihatag og sangtuwaryo kang Puran nga gibati og kahadlok sa kaluwasan sa iyang kinabuhi human nakalingkawas sa operasyon sa kapulisan diin lima ka mga tawo nga gidudahang nalambigit sa gidili nga

drugas ang namatay sa Barangay Malubog, dakbayan sa Sugbo niadtong Oktubre 4.

Si Palma nipasabot nga dugay nang gibuhat sa simbahan ang paghatag og sangtuwaryo sa mga tawo nga nangayo og panabang alang sa kaluwasan sa ilang seguridad.

“The church has been the sanctuary of those who were afraid for their lives and that’s what we did. Pinaagi niini, we are not cuddling mga drug pushers or whoever no. We are not in anyway exonerating

sa ilang sala. The sanctuary is only to protect life, kay ang

atong point life is precious,” dugang sa arsobispo. /

Newspapers in Tagalog

Newspapers from Philippines

© PressReader. All rights reserved.