Chicken halang halang

SuperBalita Cebu - - SUPER BUSOG - INATO LANG

Ang halang-halang version sa tinola nga sikat sa Mindanao. Sa ubang dapit, karne sa baka ang ilang gamit imbis manok. Usahay pud ila ni dugangan og mga utanon sama sa sayote, patatas, cabbage ug uban pa. Kini nga

version simpol ra kaayo. Ang importante ani kay halang siya. Suwayi ni ninyo karong hapit na mobugnaw ang panahon.

Mga Sagol

1 kilo manok gihiwa pang

tinola

2 ka lusok nga ahos tinadtad 1 sibuyas gihiwag tinag-as 1 gamay nga peraso nga

luy-a, gihiwag tinag-as 2 ka tanglad, gipukpok ug

ibugkos

6 ka sili kulikot 6 ka basong tubig

1 ka bugkos sa dahon sa sibuyas gihiwag ginagmay

Unsaon pag-andam

1. Gisaha ang lamas ug manok hangtod nga mohumot.

2. Gisaha pud ang manok dayon ibubo ang tubig. 3. Lapwai kutob maluto ang manok. Timplahi og patis ( fish sauce) dayon ibutang ang sili.

4. Kon maluto na kini, ibutang ang sili kulikot. Kon gusto ka nga halang kaayo, pwede ni nimo pus-on una i-serve.

Newspapers in Tagalog

Newspapers from Philippines

© PressReader. All rights reserved.