Ang bana ni Divi

SuperBalita Cebu - - SUPER BIBO - FREDRICK F. GELBOLINGO 121 Prenza, Argao, Cebu

Mibagting ang alas singko sa hapon. Sa ilang opisina miduol si Soria kang Divi nga naglingkod sa iyang lamesa.

“Tana, Div! Manguli na ta. Biyai na nang imong trabaho. Alas singko na baya. Ugma na pod,” matod ni Soria nga daw napikal. Iyang gibalikan si Divi kay niingon man kini nga mosunod lang paggawas, pero wa diay. Nagtrabaho sila sa usa ka opisina sa Municipal Hall. “Huh!” nangagho si Divi. “Naunsa man ka? Kalawom god anang imong pangagho! Mora’g wa man kay gana nga mopauli,” ni Soria nga mitutok kang Divi.

“Di kay mora! Wa gyud koy gana mouli!” ni Divi nga nanampiling nga nagsud-ong sa iyang laptop.

“Ngano man?” ni Soria Miatubang siya sa suod nga ‘workmate’ nga nanampiling pod nunot ang paglisngag sa iyang ilong. Nahikatawa si Divi.

Gihan-an og tulod ni Divi ang nawong ni Soria. Hapit kini mahayang sa lingkuranan sa iyang paglihay.

“Manuklod ra ba, ay! Unsay problema nimo nga di man ka ganahang mouli?” ni Soria inubanan sa hilaw nga katawa.

“Da, maglagot ko sa akong bana,” ni Divi nga nagmug-ot ang nawong.

“Weh! Ngano man kuno?” ni Soria nga gipahiwi ang nawong. “Kabuotan adto! Nawong pa lang gani morag maluoy ka na.”

“Para nimo, kay di man kamo’y nag-ipo’g puyo.” ni Divi nga mihukdong sa lamesa.

“Giunsa man diay ka sa imong bana?” ni Soria nga seryuso nga namulong.

“Laliman ka, tulo ka adlaw na ang milabay... kada uli nako sa balay sugaton dayon ko niyag pakita sa iyang gahi nga ... Sus, makalagot gyud, uy!” ni Divi nga nanggigil. Gipataas niya ang iyang mga kamot nga kinumo nga daw kabugnuo’g ungo.

“Ha! Ako pa nang bana, gilabnot ko na nang iyang gahi nga... ug ipaslak dayon nako sa ako bangag!” ni Soria nga mikatawa’g hinay.

“Bhu-haha-ang!” kalit misalga si Maja nga ganina rang naminaw nilang Divi ug Soria tupad ni Blanca. Nagkatawa si Maja nga namulong ngadtong Soria, “Bastos ka ra po’g pagsabot, ah!” Gikuptan niya ang kamot ni Blanca ug gipisil-pisil, samtang nag-utong-utong pagbahikhik tungod sa kahimuot.

“Gahi man kaha?” ni Soria nga nahikatawa ug nahibulong.

“Ang iya mang nawong ang gahi,” ni Divi nga mitan-aw kang Soria. “Gahi kaayo siya’g nawong nga mosugat ug motan-aw nako ig-abot nako sa balay. Mora bag may dako kong sala. Seluso kaayo. Matahapon!” May kasubo nahulma sa panagway ni Divi.

“Aw, mao ba? Abi ko’g unsa na. Kon mao pa lagi tong gahia nga didto sa akong hunahuna, birahon lagi dayon nako ug ipaslak sa ako bangag!” ni Soria nga nagpirat-pirat ang mga mata.

Nahikatawa na pod si Divi. Nag-utong-utong og agik-ik.

(KATAPUSAN)

Newspapers in Tagalog

Newspapers from Philippines

© PressReader. All rights reserved.