KINSAY ISUNOD NI PACQUIAO?

SuperBalita Cebu - - SUPER BLOWOUT - / PAC

Kinsay mahimong ikontra ni Senador Manny Pacquiao nga maoy nagkupot karon sa World Boxing Association (WBA) welterweight belt alang sa iyang sunod away nga posibleng ipahigayon sa Enero 19 didto sa Las Vegas sa dili pa ang ilang rematch ni Floyd Mayweather Jr?

Base sa mga tigpaniid, ang himuon nga tune-up fight sa Pambansang Kamao naa ra nilang duha ni Adrien Broner ug Andre Berto.

Si Broner, 29, adunay dakong posibilidad nga maoy sunod makontra ni Pacquiao kinsa mag40 anyos na karong Disyembre.

Siya maoy WBO superfeatherweight, WBC lightweight, WBA superlightweight ug WBC welterweight champion, kinsa

adunay 33-3-1 nga impresibong record nga naglakip sa

24 ka knockouts.

Si Broner bag-ohay lang nipirma og $50 milyones nga kontrata didto ni Al Haymon ang adviser ug promoter ni Mayweather.

Sa laing bahin, si Berto, 35, adunay record nga 32-5 (winloss) kinsa nagrepresentar sa Haiti niadtong 2004 Olympics ug nilahutay tali sa binukbokay nilang Mayweather niadtong Septiyembre 2015.

Siya nidaog batok ni DeVon Alexander atol sa ilang WBC/ IBF superlightweight didto sa New York niadtong Agusto.

Una niini, si Broner nianunsyo sa publiko ug nangayo og $100 milyones nga premyo sa iyang pagpakig-away kang Pacquiao apan gihulagway kini sa uban nga way katumanan sanglit gipilo og kaduha ang iyang kontrata sa lima ka away ubos ni Haymon.

Si Mayweather maoy gustong makig-rematch ni Pacquiao diin gianunsyo kini sa giilang Money Man atol sa iyang pagbisita didto sa Japan diin sila nagkatagbo sa senador.

/ HULAGWAY GIKAN NI BARNIE RABAYA

■ HARI: Gikoronahan ang Tabunok SK Division isip kampiyon sa 2018 Mayor’s Cup sa dakbayan sa Talisay human kini mipukan sa Lawaan III atol sa championship game.

Newspapers in Tagalog

Newspapers from Philippines

© PressReader. All rights reserved.