Cesafi All Star karon

SuperBalita Cebu - - SUPER BLOWOUT - RSC

Gipukan sa University of Southern Philippines Foundation (USPF) Baby Panthers ang University of San Carlos (USC) Baby Warriors, 77-52 atol sa juniors division sa Cebu Schools Athletic Foundation Inc. (Cesafi) kagahapon didto sa Cebu Coliseum.

Ang Panthers nibulhot sa third quarter ug nipabuto og 22-11 nga scoring aron biyaan og double digit nga labaw ang Warriors 51-34 paingon sa

fourth quarter.

Ang Panthers ug Warriors adunay pareho nga standing,

5-4 (win-loss) record kinsa mag-ilog sa katapusang luna sa final four ug mahimo pang

three-way tie kon mahitabo nga mapilde ang University of San Jose-Recoletos (5-3) sa ilang katapusang duwa.

Sa pagsuwat ning balita, ang USJ-R padayon pang nakigduwa sa University of the Visayas Baby Green Lancers nga wala pay pilde (8-0), apan kon magtabla silang tulo, adto sila magdaog sa quotient system.

Ang University of Cebu (UC) Junior Webmasters sigurado nang maoy makakuha sa ikaduhang luna bitbit ang 8-1 record.

Gipangulohan ni Neon Chavez ang Baby Panthers pinaagi sa iyang 17 puntos diin 3 ang iyang napasulod sa lima ka tira sa rainbow area uban sa upat ka rebounds ug tulo ka assists samtang 10 puntos ug 3 ka rebounds ang giamot ni Jason

Maglasang.

Sa first half, dikit pa ang score, 29-33 paghuman sa duha ka quarter apan nibulhot ang opensa sa USPF sa

third quarter aron inaton ang ilang labaw ngadto sa 25 puntos.

Si Khadsein Paul Tagalog maoy nangulo sa Baby Warriors pinaagi sa iyang 18 puntos ug 8 ka rebounds.

Sa laing duwa, gipakuratan sa Don Bosco Technoloy Center Greywolves ang Sacred Heart School-Ateneo de Cebu Magis Eagles 64-61.

Gumikan sa maong kapildehan, nawagtang na ang paglaom sa SHS-AdC nga masulod sa final four sanglit nahagsa sila sa 4-5 nga standing samtang ang Greywolves nitapos sa 2-7 nga baraha.

Gipangulohan ni Miles Ricaña ang Don Bosco pinaagi sa iyang 12 puntos ug niamot og 11 puntos ug 7 ka rebounds si Joshua Canoy.

Ang Magis gipangulohan ni Koko Tuadles pinaagi sa iyang 34 ka puntos, 4 ka rebounds ug 5 ka assists.

Samtang bidahan sa Team Fajardo ug Team Slaughter sa

college division ug Team Tallo batok Team Desiderio ang

high school atol sa Cesafi All Star karong adlawa.

Sa dili pa ang duwa, mosalida ang three point shootout ug slamdunk contest sa mga player sa lainlaing unibersidad. /

Newspapers in Tagalog

Newspapers from Philippines

© PressReader. All rights reserved.