Tomas miduso og P8.1-B nga annual budget

Niduso si Cebu City Mayor Tomas Osmeña og P8.1 bilyones nga proposed annual budget para sa sunod tuig.

Ang gipangayo ni Osmeña labaw og P2 bilyones itandi sa annual budget nga giaprobahan sa konseho karong tuiga.

Si Marrietta Gumia, City Budget Officer, nagkanayon nga nitubo ang gipangayo nga pundo sa executive department gumikan sa mga programa ug proyekto sa mayor.

Kini sama pananglit long life program (daghan pang uban), financial assistance para senior citizens, judiciary, tanods, garbage loaders ug uban pa.

Nakatampo og dako ang epekto sa excise tax sa produktong petrolyo nga hinungdan kon nganong nisaka ang gipangayo sa mayor.

Niadtong tuig 2017, giaprobahan sa konseho ubos sa liderato ni Bise Mayor Edgardo Labella ang P6.2 milyones para karong tuiga nga budget.