Parojinog group nabungkag
Nagkaunay ug nagkatibulaag ang mga sakop sa Parojinog o Kuratong Baleleng gang sa Ozamis City. Kini human mapatay si Mayor Reynaldo “Aldong” Parojinog, tulo ka mga sakop sa pamilya ug 12 ka mga batos sa Hulyo 30, 2017. Nasikop ang mga anak sila Vice Mayor Nova Princess, Konsehal Reynaldo Jr. ug igsoong kanhi board member nga si Konsehal Ricardo “Ardot”. Mga sakop nanglayas dinhi sa Sugbo kay padayong gilimpyohan sa hepe Chief Insp. Jovie Espenido gumikan sa naghitak nga drugas, dinagkong tulis ug kidnap-for-ransom. Silang Mark Lester Castillo ug Renan Mabida nga gipatay sa Cubacub natino nga mga staff ni Nova. Si Jurelyn Pagalan nga nasikop sa Basak, Lapu-lapu gikang ilegal nga naglihok sa Talisay sakop usab ni Nova. Gisusi ang anggulo sa sekretong bangi sa grupo, walay saktong remittance sa halin ug ilogay sa teritoryo sa ilang operasyon sa drugas. Katahap nga nag-unay og patay sa binuhatan nila ni Castillo ug Mabida kay susamag lawas ang mga mamumuno sa nag-unang mga hitabo. Sama sa kaso sa manag-uyab Jamie Mata-Stephen del Corro ug Jarren Yu Lloren kinsa gipangdagit sa apartment sa Subangdaku nakit-an nalang sa Liloan ug Mandaue nga natusaktusak sa bala. May kalambigitan ang duha sa pagpatay kang Jesie Montebon ug live-in partner sa Zone Ahos, Paknaan. Susama ang duha sa gunman ni Froilan Mabaga sa Lorega, San Miguel. Gitataw nga maoy nagpatay sa Alilin brothers sa Tabok. Nag-ilogay usab sa hurisdiksyon ang Parojinog group ug Sadaya group pinangulohan ni Jaypee Rosal ingon man ni Barok Alvaro nga mga galamay ni Steve Go nga gaway ni Franz Sabalones. Si Go nabilanggo sa Mandaue City Jail gipatay sa kaubang piniriso Cresenciano Irana giingong away sa hantak. Sila nga manag-uyab Mata-del Coro ug Lloren nga gipatay sa riding in tandem mga sakop ni Go.
Gisubay kon ang dinakpan sa Jagobiao police sa San Nicolas Proper nga magtiayong Adel-Jasmin Villafuerte ug runner Ronnel Yu Ylanan koneksyon ba sa mga Parojinog. Tanod sa Cubacob nga si Paulino Vega ug Crisolito Unito nga gipatay may koneksyon sa Parojinog group. Pag-umangkon ni Vega nga si Ian Vega naa sa watchlist. Pagpatay ni Konsehal Edgar Bihag sa Cubacub ug pagka-angol ni Lando Vega gituhoang binuhatan sa Parojinog group. Lahi sab tong anggulo pag-ambush sa negosyanting Hapon nga si Junko Hamada nga nasikop ang manag-uyab Maryjane Aguilar-Gb Bertulfo ug pagpatay sa Koreano nga si Young Hoo Lee.
Bigtime drug group dunay kaugalingong hitman nga molikidar sa ilang kaatbang nga ilegalista. Gituohan nga ang pagpatay sa kanhi kapitan sa Lagtang Denden Bas sa Dumlog, Simala, Sibonga ug lima sa Malubog gumikan sa panagribal sa ilegal nga negosyo. Dunay pasangil nga mga polis maoy nagpatay.
(csa_1156@ yahoo.com/09064648954)