SuperBalita Cebu

Bike ug Covid

- / Roger E. Vallena

Daghan ang nakaamgo kon unsa ka dako sa papel sa biseklita kon gusto kang molikay sa coronaviru­s disease 2019 (Covid-19). Sa ako nang giingon sa nangagi kong mga column, ang biseklita maoy sagad gigamit sa Europeans nga gustong molikay sa sakit pinaagi sa paglihay sa mga public transport.

Sa mga pagtuon man gud, ang Sars-CoV-2, kagaw nga maoy nagdala sa Covid-19, sagad molahutay sa hangin kon naa sulod sa usa ka lugar nga enclosed kun sirado. Kon diri sa atoa, kadaghan ani mao ang aircon buses, modern PUJ ug uban pang matang sa pampubliko­ng mga sakyanan.

Sa motorsiklo ug twowheeled nga sakyanan, bukas kini kaayo. Wa kay ikakukabil­do o ikatupad nga laing tawo. Dinhi sa atoa, lisodlisur­on pa man gani ang pag-angkasay sa magtiayon.

Busa, di ikahibung kon nganong ang Europeans midangop sa biking. Mas luwas kining sakyan ug maka-exercise ka pa. Sa panahon sa Covid, ang pagpalig-on sa immune system gikinahang­lan. Ang biking usa ka matang sa cardio, low impact exercise.

Di mo-matter unsa ang imong biseklita, basta kon motindak ka, nagsunog kag fats, calories ug sugar nga nagpundo sa imong lawas.

BIKE LANES

Nahimuot kong Senador Cynthia Villar nga nipalag sa balaudnon ni Senador Pia Cayetano nga nagmando sa pagbutang og bike lanes sa kadalanan sa nasod. Hagip-ot ra kuno ang mga dan sa atoa.

Di ko maghisgot sa Cebu City. Ang labing duol niya mao ang Marikina City nga dunay bike lanes nga sharrow sa gagmay nga mga karsada. Ang uban hagip-ot pa sa Cebu City, apan gibutangan og bike lanes sa local government. Kon nahimo sa Marikina nga gamay nga siyudad, apan napalambo ubos sa liderato ni kanhi mayor Bayani Fernando, nganong di man mahimo sa ubang mga dapit sa nasod?

Di sab makwestyon ang abilidad ni Cayetano isip triathlete. Nakahibawo siya sa road conditions ug unsay gikinahang­lan sa mga siklista nga naa sa dan kada adlaw.

PANALIPDAN

Maayo unta kon ang mga siyudad dinhi sa Metro Cebu dunay mga ordinansa nga gibasehan sa pagbutang og bike lanes. Importante kini aron mamintinar ang maayong katuyoan sa bike lanes— kaluwasan sa mga siklista.

 ??  ??

Newspapers in Cebuano

Newspapers from Philippines