Allowances sa national athletes ipanghatag na

SuperBalita Cebu - - SPORTS -

Gikalipay sa mga Sugbuanong national athletes ug national coaches ang kalambuan kabahin sa ilang monthly allowances kay posibleng mahatag na kini sugod karong adlawa human nalangan tungod sa coronaviru­s disease 2019 (Covid-19) ug kakulian sa bank provider.

“Mao diay na-delay tungod sa lockdown. Yey! unta naa na sa Monday,” matod ni Olympian marathoner Mary Joy Tabal sa dihang nahibaw-an niya nga gilihok na kini sa Philippine Sports Commission (PSC).

Ubay-ubay pud ang miyembro sa national team nga anaa sa Cebu apil na ang mga sikat nga sila Tabal ug iyang coach nga si John Philip Duenas, skateboard­er Margielyn Didal ug triathlete Andrew Kim Remolino.

Matod sa Philippine Basketball Associatio­n (PBA) legend ug PSC Commission­er Ramon “El Presidente” Fernandez nga nanghinaot sila nga ma-release na ang allowance sa national team members sugod karong adlawa.

Ang Sugbuanong si Fernandez nagkanayon nga sa miagi pang buwan, nakig-ayuda na sila sa Land Bank aron mahatag na ang allowances sa national athletes ug coaches.

“Third week of July, inaayos na ‘yan. Had to redo payroll computatio­ns and coordinati­on with Landbank on payroll system but all of a sudden, nag-lockdown sila (LandBank) for two weeks at may nag-positive na employee nila,” pasabot ni Fernandez.

Bag-o lang miisyo og pamahayag si Senador Bong Go kabahin sa pagkalanga­n sa allowances.

“We are in the middle of a pandemic and everyone is having difficulty. Our athletes and coaches who bring honor to our country are no exception. Alam kong hirap din kayo sa inyong mga pundo dahil sa mababang remittance­s mula sa Pagcor. Nabawasan na nga kamakailan ang kanilang monthly allowances, sana huwag naman ma-delay pa,” matod ni Go.

Newspapers in Cebuano

Newspapers from Philippines

© PressReader. All rights reserved.