TROPANG GIGA 3-0 NA

Wala pay pilde ang TNT Tropang Giga sulod sa unang tulo ka duwa sa Philippine Basketball Association human nila giputlan og signal ang naghuboghubog nga San Miguel Beermen, 107-88.

Ang opensa nilang RR Pogoy ug Bobby Ray Parks maoy nagduslit sa first quarter aron giyahan ang ilang team.

Pinaagi sa balanse nga ataki sa TNT, wala makapanagang ang dehado nga 5-time defending champion SMB gumikan sa padayon nga pagpaalim sa ilang 6th time MVP nga si June Mar Fajardo.

Si Poy Erram nipaarak og 27 puntos, 22 puntos ang gikambyo ni Parks samtang 16 puntos ang giamot ni Troy Rosario ug 15 puntos ang gimaniubra ni Pogoy sanglit nalisa ang iyang tiil.

Nagpadayon ang kainit sa opensa sa mga player sa TNT diin si Pogoy nirehistro sa iyang career high 45 points sa ilang unang duwa ug 40 puntos usab ang gipaboto ni Parks sa ilang ikaduhang duwa sa PBA bubble didto sa Angeles City , Pampanga.

Si Erram nikalit sab kainit sa iyang mga kamot human siya niapil sa scoring parade nilang Parks ug Pogoy samtang na-foul trouble si Mo Tautua.

Ang SMB niduwa nga wala ang ilang superstar nga si Fajardo ug nameligro pa nga dili makaduwa sulod sa pipila ka semana ang ilang high scoring guard nga si Terrence Romeo nga gikahadlokan nga nalisa ang abaga human nagkabangga sila ni Ryan Reyes.

Gawas sa puntos, si Erram nilangkat usab og 15 ka rebounds human sa iyang makadismaya nga debut gumikan sa iyang sunodsunod nga technical fouls batok sa Alaska Aces. Si Parks nipaarak og upat ka tres sa iyang 16 puntos samtang si Jason Castro nirehistro og double-doubles 11 puntos ug 11 ka rebounds.

“We are still adjusting to our system and we are just fortunate to have guys like Roger, Rayray, and now Poy step

up tonight,” padayag niTNT coach Bong Ravena.

Ang pilderong SMB gipangulohan ni Alex Cabagnot sa iyang 15 puntos ug laing upat ka player nga double figure apan klaro nga apektado ang ilang duwa pagkawagtang ni Romeo.