Trucks, closed vans bawal sa NLEX

Hindi muna padadaanin sa kahabaan ng North Luzon Expressway o NLEX at Subic-Clark-Tarlac Expressway o SCTEX ang lahat ng uri ng trak at mga closed vans mula Nobyembre 12 hanggang 15. Bahagi ito ng malawakang paghihigpit sa seguridad sa gananaping 31st ASEAN Summit and Related Summits. Kaugnay nito, iniutos ni Bulacan Governor Wilhelmino Sy-Alvarado ang paglilinis ng kahabaan ng Manila North Road o MacArthur Highway dahil dito inaasahang dadaan ang mga malalaking trak at iba pang sasakyang pangkargamento paluwas at galing ng Metro Manila. Nakalatag ngayon sa kahabaan ng SCTEX, NLEX at EDSA ang pinakamahigpit na antas ng seguridad dahil ito ang magiging ruta ng mga mga pinuno at delegado ng mga bansa na dadalo sa Summit.