Deployment og OFWs sa 9 ka nasud, gisuspenso sa POEA

The Mindanao Examiner Regional Newspaper - - Cebu Examiner - Bongosia) (Elvira C.

EPEKTIBO niadtong Disyembre 12, temporaryo unang hipahunong sa Philippine Overseas Employment Administration (POEA) ang pagproseso og dokumento sa mga OFWs sa siyam ka noncompliant o dili luwas nga mga nasud.

Matud pa ni POEA administrator Hans Cacdac, dili una magdeploy ang nasud og mga OFWs sa Afghanistan, Chad, Cuba, Haiti, Mali, Mauritania, Niger, Somalia ug Zimbabwe.

“All POEA operating units are hereby directed to temporarily hold the processing of documents of workers bound for the identified noncompliant countries,” matud pa ni Cacdac.

Kini base na usab sa rekomendasyon sa Commission on Audit sa POEA nga temporaryong suspensohon ang deployment sa mga nahisgotang nasud.

Sa pagkakaron, naa sa 194 ang gi-ilang compliant o luwas nga nasud alang sa mga OFWs base sa Amended Migrant Workers Act.

Ubos sa balaod, tugotan lamang sa Department of Labor and Employment (DOLE) ug POEA ang deployment sa mga OFWs sa mga nasud nga sertipikado sa Department of Foreign Affairs (DFA) nga luwas ug kaya nga hatagan og proteksiyon ang mga Filipino workers.

Kinahanglan usab dinhi ang paghimo og bilateral agreements tali sa Pilipinas ug ang host countries aron seguradohon ang maayong kondisyon sa mga OFWs nga magtrabaho sa nagkalain-laing lugar sa kalibotan.

Newspapers in Tagalog

Newspapers from Philippines

© PressReader. All rights reserved.