Salary Standardization Law, aprubado na sa Kamara

The Mindanao Examiner Regional Newspaper - - Cebu Examiner - Bongosia) (Elvie C.

APRUBADO na sa ikatulo ug pinal nga pagbasa ang House Bill 6268 o Salary Standardization Law (SSL) 2015 - gipalabang dayon sa unang adlaw pa lamang sa pagdungog human kini giduso mismo ni Presidente Benigno Aquino.

Ang 170 ka mga Kongresista ang mibotar pabor sa maong balaodnon, 5 ang mikontra samtang 1 lamang ang nag-abstain. Target sa SSL 2015 nga mahiduol ang suholan sa may 1.3 milyong kawani sa gobyerno sa suholang tigdawat sa mga naa sa pribadong sektor.

Sa SSL 2015, makadawat og 14th month pay ang mga kawani sa gobyerno, gawas pa sa dugang suholan nila nga paga-tungaon sa upat ka tuig nga implementasyon. Gawas niini, may idugang usab sa performance based bonus sa mga kawani sa gobyerno.

Tuyo niining madasig ug magpabilin ang mga kawani ug opisyal sa gobyerno, mao nga ang kumpensasyon niini dili mo-ubos sa 70 porsiyento sa merkado alang sa tanang salary grades.

Ang SSL 2015 gilagda nilang House Speaker Feliciano Belmonte Jr., Majority Leader Neptali Gonzales II, Minority Leader Ronaldo Zamora, Accounts Committee Chairman Eleandro Madrona ug Appropriations Chairman Isidro Ungab.

Newspapers in Tagalog

Newspapers from Philippines

© PressReader. All rights reserved.