Andam ang gobyerno kun mograbe ang tensyon sa Saudi ug Iran

The Mindanao Examiner Regional Newspaper - - News - Bongosia) (Elvira C.

GISEGURO sa Malakanyang ang kaandam sa gobyerno nga atimanon ang seguridad sa mga Pilipino sa tunga-tungang sidlakan kun mo-grabe pa ang sitwasyon didto tungod sa tensyon tali sa Saudi Arabia ug Iran.

Matud pa ni Sec. Sonny Coloma, may naandan nang emergency procedure ang Department of Foreign Affairs. Apil na niini ang pagsaka sa alert levels sama sa gihimo kaniadto sa pagpaevacuate sa mga Pilipino sa Egypt ug Libya.

“Nakig-alayon na usab kita sa nagkalainlaing mga Embahada ug Konsulada sa atong mga higalang nasud. Nasayod man kita nga tali sa Indonesia ug Pilipinas, adunay gipatuman nga kasabotan ug pooling resources tungod lagi sa nahitabong emerhensiya.”

“Kadtong kongkretong pwersa sa atong Embahada nga kasagarang 25 ngadto sa 30 lang ang ilang mga kawani, gi-augment man kini sa mga uban pang opisina. Apan makasiguro kita nga gipangandaman kini ug igo ang resources nato aron makatubag sa bisan unsang emergency,” matud pa ni Coloma.

Dugang pa ni Coloma, naa sa kapin 2.5 milyon ang gidaghanon sa mga Pilipino sa Middle East ug mga usa ka milyon kanila ang naa sa Saudi Arabia.

Gibutyag pa ni Coloma nga kun pilion sa mga workers nga moule ug magpabilin na sa Pilipinas, adunay nakaandam nga programa ang gobyerno alang sa ilang alternatibong panginabuhian.

Tungod usab sa sitwasyon, gikahadlokang maapektuhan ang supply ug presyo sa lana gikan sa tunga-tungang sidlakan. Apan giseguro sa Palasyo nga bisan kini, ila nang gipangandaman.

Newspapers in Tagalog

Newspapers from Philippines

© PressReader. All rights reserved.