Unsaon pagkuha og libreng medication alang sa hypertension ug diabetes gikan sa DOH

The Mindanao Examiner Regional Newspaper - - News - Bongosia) (Elvira C.

KUNG may hypertension o diabetes ka, mahimo kang mahatagan sa Department of Health (DOH) og libreng maintenance medication.

Matud pa ni DOH Sec. Janette Garin, target sa buhatan nga makahatag og libreng tambal sa tulo ka milyong hypertensive patients ug usa ka milyong diabetic patients.

Gipasabot ni Garin nga gikan sa estimate nga gihimo sa mga program director base ang gidaghanon sa kinahanglang tabangan sa ilang maintenance medication. Alang sa mga adunay hypertension, manghatag ang DOH og Amlodipine, Losartan ug Metoprolol. Kun diabetic usab, Metformin ang ipanghatag.

Aron makadawat niini, giingong kinahanglan lamang magpasusi ug magpalista sa rural o urban health center. Kun nalista na didto, ipasa sa regional ang ngalan ug ipaapil usab sa regional office ngadto sa national office ang pangalan aron maapil kini sa database.

Sa higayong maapil na sa database, matagbuwan nang makadawat og libreng tambal ang mga pasyente sa ilang pinakaduol nga regional health unit o urban health center.

Nunot niini, gi-aghat ni Garin ang tanang local government units sa pagmugna og “hypertensive and diabetes clubs."

Gikan sa maong pondok nga mamugna, adunay mga mosunod pang programang ilusad ang buhatan. Matud pa nga usa na niini ang mailhan ang mga diabetic nga nanginahanglan og insulin.

Giingong may ipahigayon usab nga regular nga pakig-pulong ang mga tinugyanan sa DOH alang sa padayon nga paghatag og kasayoran sa sama sa lifestyle change, diet ug kun unsa man ang mga posibleng ikatabang sa buhatan ngadto sa pamilya.

Newspapers in Tagalog

Newspapers from Philippines

© PressReader. All rights reserved.