Gamay nga SSS pensyon tungod usab sa gamay nga kontribusyon

The Mindanao Examiner Regional Newspaper - - News - C. Bongosia) (Elvira

GIDAYEG sa Social Security System (SSS) ang gihimong pag-veto ni Presidente Benigno Aquino sa House Bill 5842 nga nagtinguhang pun-an og P2,000 ang pensyon sa mga retiradong miyembro niini.

Sa gipahigayong press briefing karong adlawa, gipasabot ni Social Security Commission Representative for the General Public Michael Victor Alimurung nga gawas nga mabangkarote ang SSS paghidangat sa 2027, maapektuhan usab sa maong balaodnon ang uban pang benepisyong ginahatag sa ahensiya sa mga miyembro niini.

Tungod niini, gitataw ni Alimurung nga angay tun-an og maayo ang maong SSS pension hike. Gi-angkon ni Alimurung nga gamay ang tigdawat nga pensyon sa mga miyembro sa SSS tungod na usab sa gagmay nga kontribusyon.

Matud pa nga mokabat sa P26 bilyon ang maalkansi sa SSS sa unang tuig pa lamang kun dugangan og P2,000 ang pension sa mga SSS retirees.

Giingong mga P56 bilyon ang kinahanglanon aron mahatag ang dugang P2,000 benefit alang sa 2.15 milyong pensioners matag tuig.

Matud pa usab sa pangulo sa SSS nga si Emilio de Quiros, ang maong pension increase adunay sangpotana sa 2.15 milyong kasamtangang pensioners ug 31 milyong miyembro niini.

Newspapers in Tagalog

Newspapers from Philippines

© PressReader. All rights reserved.