Alert status, gisaka sa human sa pag- atake sa Indonesia

The Mindanao Examiner Regional Newspaper - - News - ( Elvira C. Bongosia)

GISAKA na sa Armed Forces of the Philippine ( AFP) ug Philippine National Police ( PNP) ang security alert levels sa nasud human sa sunodsunod nga pag- atake sa Jakarta, Indonesia.

Matud pa sa tigpamaba sa AFP nga si Brig. Gen. Restituto Padilla, naka- heightened alert karon ang tropa sa mga sundalo sa nagkalain-laing parte sa nasud isip pag- pangandam kun adunay mahitabong dili maayong sitwasyon.

Matud usab sa tigpamaba sa PNP nga si Chief Supt. Wilben Mayor, naka- full alert karon ang kapolisan agig pagsunod sa gipagawas nga memorandum sa PNP Directorate for Operations.

Apan gi- klaro sa duha ka opisyal nga wala pa sila’y na- monitor nga bisan unsang hulga sa terorismo dinhi sa Pilipinas. Bisan pa niini, nanawagan ang AFP ug PNP sa publiko nga mas mag- amping ug magbinantayon aron makatabang usab sa pagsumpo sa mga hulga sa atong seguridad.

Sa pag- atake sa Jakarta, pito ang namatay nga gisugdan sa tulo ka ISIS suicide bombers sa usa ka coffee shop.

Newspapers in Tagalog

Newspapers from Philippines

© PressReader. All rights reserved.