DOH, nangandam na batok sa Zika virus

The Mindanao Examiner Regional Newspaper - - News - C. Bongosia) ( Elvira

GI- ANDAM na sa Department of Health ( DOH) ang unom niini nga pampublikong ospital sa nasud diin dalhon kun adunay kaso sa Zika virus sa PIlipinas.

Apil sa mga ospital nga ibutang alang sa Zika cases ang Research Institute for Tropical Medicine sa Muntinlupa, Baguio General Hospital, Vicente Sotto Memorial Medical Center sa Cebu, Southern Philippine Medical Center sa Davao, Lung Center of the Philippines sa Quezon City ug San Lazaro Hospital sa Manila.

Sa lalawigan sa Bohol, gibutyag ni Provincial Health Officer Dr. Reymoses Cabagnot nga ang Provincial Health Office ( PHO) nagsugod na sa information campaign ilabi na kun unsa ang buhaton kun makasulod sa nasud ang maong sakit.

Matud pa ni Cabagnot nga ang nagdala sa Zika virus mao ra usab ang Aedes Aegypti, susamang lamok nga nagdala usab sa dengue virus, chikungunya ug yellow fever. Ang sintomas sa Zika virus mao ang hilanat, walay gana sa pagkaon, trangkaso ug skin rashes. Grabeng maapektuhan niini ang mga nagsabak.

Si Cabagnot nagkanayon nga niadtong tuig 2012 pa nakatala ang DOH og usa ka kaso sa zika virus sa nasud apan wala na kini nadugangi sukad kaniadto. Subling gipahinumdoman sa DOH ang publiko nga ipabiling limpyo ang palibot aron dili makapangitlog ang mga lamok nga mahimong tinubdan sa sakit.

Newspapers in Tagalog

Newspapers from Philippines

© PressReader. All rights reserved.