Epekto sa El Niño, padayong masinati sa nasud

The Mindanao Examiner Regional Newspaper - - News - ( Elvira Bongosia)

MASINATI PA gihapon ang grabeng epekto sa El Niño sa Pilipinas bisan pawala na kini matud pa sa Philippine Atmospheric Geophysical and Astronomical Services Administration ( PAGASA).

Matud pa sa pahayag ni Anthony Lucero, pangulo sa PAGASA Climate Prediction and Monitoring Section, kinahanglan pa gihapong ipadayon sa mga hingtungdang ahensya sa gobyerno sama sa mga local government units ug publiko ang pagdaginot og tubig aron makuhaan ang kalisod tungod sa kakulang sa tubig.

Dugang pa niini, miubos na ang lebel sa mga dams sa nasud tungod sa kakulang sa ulan gawas sa Angat Dam nga maoy nagunang tinubdan sa suplay sa tubig sa kaulohan.

Ang Department of Agriculture mitaho nga ang kadaot sa sektor sa agrikultura sa El Niño sukad kini mi grabe sa katapusang bahin sa tuig 2015 misaka na sa P4 bilyon. Matud pa nga 12 ka rehiyon usab ang naapektuhan ug ang Rehiyon 2 ug 12 ang nakasinati sa labing dakung impak.

Ang kadaot sa mga tanom nga mais gibanabana sa P2.36 bilyon, sa humay P1.62 bilyon ug P21 milyon usab ang sa high- value crops.

Ang El Niño ang abnormal nga pagsaka sa temperatura sa ibabaw sa tubig dagat sa Equatorial Pacific Ocean nga maoy nakaingon sa panagsa na lamang nga pag- ulan.

Newspapers in Tagalog

Newspapers from Philippines

© PressReader. All rights reserved.