Mall voting aprubado na sa COMELEC

The Mindanao Examiner Regional Newspaper - - News - Bongosia) ( Elvira

MADAYON NA ang pagpahigayon og botohan sa mga shopping mall human gi- aprubahan sa Commission on Elections ( COMELEC) ang pagbutang og mga voting precincts sa Mayo 9.

Gipasabot ni COMELEC Chairman Andres Bautista nga midesisyon ang poll body nga ipatuman na ang mall voting human ang serye sa public consultation sa pipila ka clustered precincts. Matud pa ni Bautista nga 86 ka shopping malls sa tibuok nasod ang moapil sa mall voting.

Adunay 200,000 ka botante gikan sa 120 clustered precincts ang gipaabot nga makapahimos sa pagbotar sa mga mall.

Giingong magpabiling prayoridad sa pagboto sa mga mall ang mga senior citizen, may kakulian sa panglawas ug kadtong adunay sakit nga mga botante. Tumong sa mall voting nga ma- decongest usab ang mga pampublikong tunghaan nga magsilbing polling areas.

Nagtuo ang COMELEC nga daghang benepisyo ang mahatag sa mall voting sama sa pagbaton og limpyong lugar nga botaran, mas luwas ug mas kumbinyente kun itandi sa mga pampublikong tunghaan.

Giingong mas segurado usab ang suplay sa kuryente sa mga mall, gawas pa sa mas hugot nga seguridad.

Newspapers in Tagalog

Newspapers from Philippines

© PressReader. All rights reserved.