DOLE internship program nagsugod na

The Mindanao Examiner Regional Newspaper - - News - (Elvira C. Bongosia)

GI-AWHAG sa Department of Labor and Employment (DOLE) ang mga estudyante sa pagsulod sa ilang Government Internship Program (GIP).

Matud pa ni DOLE Sec. Rosalinda Baldoz, usa sa kasagarang problema nga atubangon sa mga bag-ong migradwar ang mga kumpanyang mangita og working experience ug ang GIP matud pa ang solusyon niini.

Gipasabot ni Baldoz nga kining maong internship program saktong training ground nga maghatag og pundasyon sa work experience sa mga bag-ong mi-gradwar ug maghatag kanila og kahigayonang makaalagad sa publiko.

Gipasigarbo usab ni Baldoz nga sukad tuig 2012, diin unang gilusad ang GIP hangtud tuig 2015, nakatala na sila og 32,625 nga mga interns nga ilang natabangan.

Subling gi-imbetar sa ahensya ang mga interesadong aplikante nga naa sa edad 18 taman 30 anyos sa pagbisita sa ilang mga buhatan sa DOLE dala ang mga requirements sama sa transcript of record, résumé, certificate of indigency gikan sa baranggay ug birth certificate.

Newspapers in Tagalog

Newspapers from Philippines

© PressReader. All rights reserved.