Covenant para sa nasalaag nga kabatan-onan

The Mindanao Examiner Regional Newspaper - - News - Contratsta) (Ferliza C.

CEBU CITY – Mga gikinanan lakip sa mga disiplinahon sa bagong naumol nga hiniusang kasabutan alang sa pagsulbad sa problema sa libud suroy ug ubang problemadong kabatan-onan.

Sa usa ka covenant nga gipirmahan sa kabin 20 ka mga nongovernmental ug government organizations, nalatid didto nga apilon ang pagdisiplina sa mga ginikanan sa hugot nga pagpatuman unya sa mga balaod nga nagtan-aw sa kahapsay sa komunidad og kaugmaon sa mga batan-on.

Matod ni Inspector Arieza Otida, ang hepe sa Family Gender Juvenile Section, sa Cebu City Police Office, nga aduna na unyay binuwan nga pagpang ronda sa nagkalain laing dapit batok sa mga libud suroy.

Kini bisan pa man wala pa muluwat ang panggamhanan, nga buhion sa makausa pa ang balaod kabahin sa curfew.

Kining maong covenant nga alang sa ginganlan og “Operation G u g m a” pinirmahan sa mga civic organizations og mga ahensya sa gobyerno naglatid sa mga nagkalaing laing serbisyo nga ehatag alang sa katuyuan nga masulbad ang maong mga issues sa kabatanonan.

Nasabutan usab sa maong covenant nga aduna nay shelter o kasamtangang kapunduhan sa mga ma rescue unya sa pagpang ronda. Kini mao ang nakabalda sa mga operasyon sa kapolisan tungod kay wala silay kapondohan sa mga minors nga ma rescue.

Gibahin ug tulo ka matang sa serbisyo ang anaa sa maong Covenant.

Naglakip didto ang kabahin sa Prevention (Paglikay), Intervention and Diversion ug ang Reintegration (Pagbalik sa komunidad).

Ang aspeto sa “shelter” o kapuy-an, kapundohan, anaa mahimutang tunga tunga sa Intervention o Diversion. Dinhi ebutang sila sa theraphy, education sessions, aron sila maayo sa panghuna huna og makabaton og saktong panglantaw sa kinabuhi.

Dinhing dapita apilon na ang mga ginikanan sa kadtong mga na rescue nga anaa pa. Aduna usab lecture on “Responsible Parenting” alang sa kadtong ma rescue sa curfew bisan sa Intervention pa lang daan nga aspeto.

Sumala sa kasabutan, ang mga ma rescue dadon una sa Parian Drop in Center para sa evaluation.Mi commit ang Cebu City Task Force on Street Children nga makapasilong sila og 35 ka mga na rescue og ang Philippine Teen Challenge napulo ka mga CICL .

Ang Department of Social Welfare and Development sa rehiyon og sa dakbayan muabaga sa pagkaon og ubang mga panginahanglan.

Ang ubang mga civic group sama sa Rotaracts, Zonta Cliub , Lions International, Dilaab Movement, DoN Bosco Boys Home, Juvenile Justice Welfare Council, Legal Alternatives for Women magmugna unya og mga action para maayo sila og ang ilang pamilya.

Ang CCPO mu detail og tulo ka mga police matag adlaw sa duha ka mga shelters ug ang Cebu Prosecutors Office maoy muabag sa legal nga concerns sa mga bata.

Nahimong vicous cycle oo problemang gatuyok tuyok ang mga libud suroy og mga CICL. Nasayran nga adunay kapin 400 ka mga libud suroy ang nalista sa mga kabarangayan.

Newspapers in Tagalog

Newspapers from Philippines

© PressReader. All rights reserved.