LTFRB nipahinumdom sa student discount

The Mindanao Examiner Regional Newspaper - - News - (Elvira C. Bongosia)

CEBU - Subling nipahinumdom ug nihatag og pasidaan sa mga public transportation drivers ang Land Transportation Franchising and Regulatory Board (LTFRB) kalabot sa pagbukas sa klase karon.

Matud pa ni LTFRB Board Member Ariel Inton, mobalik na sa pagtungha ang mga kabataan karong semana mao nga gipahinumdoman nila ang mga drivers sa jeep ug bus nga kasagarang sakyan sa mga estudyante nga ihatag ang saktong 20% discount sa ilang pletehan.

Sa higayong may pagduda ang kundoktor o driver, giingong mahimong ipakita sa estudyante ang iyang school ID o Certificate of Registration.

“Students are entitled to the fare discount only during school days, and not during holidays and weekends when there are no classes. But we should also consider that there are some students who have Saturday classes, and even Sundays for some, especially those like ROTC, NSTP that are being conducted on a Sunday,” matud pa ni Inton.

Nakalatid sa memorandum circular sa LTFRB nga ang bisan kinsang molapas o mapamatud-ang wala nihatag og diskuwento mapahamtangan og multa nga P2,000.00 alang sa first offense; multang P3,000.00, 60-days suspension sa Certificate of Public Convenience (CPC) ug pagkumpiska usab sa “for hire” plates sa second offense; ug multang P5,000 ug kanselasyon sa CPC sa third offense.

Newspapers in Tagalog

Newspapers from Philippines

© PressReader. All rights reserved.