Dugang OFWs health benefits gilagdaan sa Philhealth ug OWWA

The Mindanao Examiner Regional Newspaper - - News - (Elvira C. Bongosia)

CEBU - Milagda sa usa ka memorandum of agreement ning bag-o lang ang Overseas Workers Welfare Administration (OWWA) ug Philippine Health Insurance Corporation (Philhealth) alang sa dugang medical health assistance program alang sa mga Overseas Filipino Workers (OFW) nga gitawag og MEDplus.

Matud pa ni Philhealth President ug Chief Executive Officer Atty. Alexander Padilla, ang maong programa dugang lamang sa kasamtangan nang ginadawat nga health benefits sa mga OFW.

Giingong bayaran sa OWWA hangtud sa P50,000 nga dugang bill sa pasyente alang sa mga dreaded diseases nga pagatumbokon sa Philhealth ug OWWA.

Matud pa ni OWWA Administrator Rebecca Calzado, makapahimos sa MEDplus ang mga OWWA members nga miyembro usab sa Philhealth nga magkasakit sa nasod diin sila nagtrabaho o bisan diri sa Pilipinas.

Kun dinhi sa Pilipinas magkasakit ang OFW, mahimo kining magpatambal sa mga Philhealth accredited hospital. Samtang kun tua sa gawas sa nasod, mahimong magparefund ang OFW sa iyang nagasto taman sa P50,000.

Gitataw ni Padilla nga kinahanglang miyembro sa OWWA ug Philhealth ang usa ka OFW aron makapahimos sa maong programa. Naggahin og P150 milyon ang OWWA alang niining programa.

Newspapers in Tagalog

Newspapers from Philippines

© PressReader. All rights reserved.