30-day ban sa DFA sa no-show passport applicants, nagsugod na!

The Mindanao Examiner Regional Newspaper - - News - (Elvira C. Bongosia)

CEBU - Nagsugod na ang 30-day ban sa Department of Foreign Affairs (DFA) alang sa mga no-show online passport applicants sugod niadtong Hunyo 1.

Matud pa ni Assistant Sec. Charles Jose, tigpamaba sa DFA, dako ang matabang sa maong bag-ong patakaran aron mapadali ang pagkuha sa pasaporte sa ubang aplikante.

"Under ng bago naming measure, may bago po kaming ilalagay na reservation system na puwedeng i-keep touch 'yung mga hindi dumadating sa kanilang appointment," pasabot ni Jose.

Matud pa nga naa sa 47% o halos 800 ka aplikante ang di moabot sa gitakdang adlaw sa pag-apply sa ilang pasaporte. Kini nagpasabot lamang nga daghang slots na ang malibre ug masayo na ang makuhang appointment online.

Dugang pa niini, giingong nagdugang ang DFA og 50 slots matag adlaw sugod niadtong Hunyo 1 isip solusyon sa taas nga pila sa mga aplikante.

May kinatibuk-ang kapasidad nga 15,000 hangtud 17,000 ang e-passport system sa DFA sa usa ka adlaw alang sa mga Pilipinong aplikante sulod ug gawas sa nasod.

Newspapers in Tagalog

Newspapers from Philippines

© PressReader. All rights reserved.