OWWA Act, aprubado na!

The Mindanao Examiner Regional Newspaper - - News - (Elvira Bongosia)

GILAGDAAN ni Presidente Benigno ang Republic Act 10801 o mas gi-ilang Overseas Workers Welfare Administration Act nga nagtinguhang magamit ang pondo sa OWWA alang lamang sa mga overseas Filipino worker (OFW) ug ilang pamilya.

Ubos niining bag-ong balaod, usa nang nationa-l government agency ang OWWA nga mobarog isip attached agency sa Department of Labor and Employment (DOLE).

Gawas sa mga kita sa OWWA gikan sa membership fees sa mga OFW, magbaton na kini og share o pondo nga gikan sa nasudnong budget nga gitakda matag tuig pinaagi sa General Appropriations Act.

Ubos ning bag-ong balaod, dili na mahimong gamiton ang pondo sa OWWA isip pangdugang, ayuda o bisan unsang pangpuno sa gasto sa ubang ahensya sa gobyerno.

Nagpasabot kini nga ang Kongreso usab ang maggahin og pondo alang sa suholan sa mga empleyado sa OWWA ug panggasto alang sa operasyon niini.

Nakalatid usab sa balaod nga ang 10 porsiyento sa koleksyon sa ahensya matag tuig awtomatikong maadto sa reintegration program alang sa OFWs.

Newspapers in Tagalog

Newspapers from Philippines

© PressReader. All rights reserved.