Mga first-timer nga opisyal, ipaubos sa orientation sa DILG

The Mindanao Examiner Regional Newspaper - - News - Bongosia) (Elvira C.

CEBU - Ipaubos sa Department of Interior and Local Government (DILG) sa basic orientation training program ang kinatibuk-ang 559 ka mga bag-ong gobernador, city ug municipal mayors sa tibuok nasod nga napili sa milabay nga eleksyon.

Matud pa ni DILG Sec. Mel Senen Sarmiento nga ang "Basic Orientation: The First 100 Days," usa ka parte sa dugay nang Newlyelected Officials nga programa sa DILG pinaagi sa ilang training arm nga Local Government Academy alang sa mga bag-ong napili nga mga opisyal sa nasod.

Kining himuon nga pagbansay-bansay ipahigayon karong buwan sa Hunyo ug Hulyo isip pagtubag sa departamento sa panginahanglan sa mga bag-ong lokal nga mga lider isip ilang giya sa pagsugod sa ilang pagdumala.

Gipaabot usab sa DILG nga makumpleto sa mga bag-ong opisyal ang unang 100 days ug ang ilang development commitment agenda.

Lakip sa mga topic nga hisgotan mao ang governance and decentralization, Duties Responsibilities and Accountability of elected officials, strategic management, leadership, climate change and disaster management, local economic development, crisis management, and peace and order, ug uban pa.

Newspapers in Tagalog

Newspapers from Philippines

© PressReader. All rights reserved.