Dugang hinabang medikal alang sa aktibong miyembro sa Philhealth ug OWWA

The Mindanao Examiner Regional Newspaper - - News - (Leandria P. Pagunsan)

MGA Overseas Filipino Workers (OFWS) nga aktibong miyembro sa Philippine Health Insurance Corporation (Philhealth) ug Overseas Workers Welfare Administration (OWWA) hatagan ug dugang medical assistance pinaagi sa MEDPLUS Program.

Sa gilagdaan nga Memorandum of Agreement (MOA) tali ni Philhealth President ug Chief Executive Officer Alexander Padilla ug ni OWWA administrator Rebecca Calzado, muhatag ug dugang benepisyo ang Philhealth nga medical assistance sa mga OFWS nga adunay kakulian sa panglawas ug aktibong miyembro sa OWWA dili mu sobra sa 50,000 matag miyembro.

Ang Philhealth mupahiluna ug access sa My Philhealth Portal pinaagi sa mga trained OWWA personnel nga mohimo sa on line verification sa mga remittances nga himoong basehan pag proseso unya sa byranan sa ilang claims.

Gi-klaro ni OWWA administrator nga ang MEDPLUS dili health maintenance organization apan usa kini ka medical assistance program nga gidugang sa regular nga Philhealth coverage, mao nga gibansagan kini ug Plus.

Pinaagi niini nga programa giawhag sa Philhealth Chief ang mga kababayan nga nagtrabho gawas sa nasud nga ipadayon ang ilang premium contributions aron makahimulos sa Philhealth benefits ug sa MEDPLUS.

Namahayag usab si Padilla nga isip paghatag ug importansya sa gihimong kontribusyon sa mga OFWS sa atong ekonomiya angayan lng nga suportahan ang ilang panginahanglanon aron mag maayo ang ilang panrabaho sa gawas sa nasud.

Ang duha ka ahensya sa gobyerno nga OWWA ug Philhealth kasamtangan nga nagpanday sa implementing guidelines ug gilaoman nga mahimuslan ang MEDPLUS karong tuiga.

Newspapers in Tagalog

Newspapers from Philippines

© PressReader. All rights reserved.