Mga ‘good-performing LGUS,’ ilhon sa Malakanyang

The Mindanao Examiner Regional Newspaper - - News - (Elvira C. Bongosia)

CEBU - Magpagawas ang Malakanyang og listahan sa mga opisyal sa mga lokal nga kagamhanan nga nagpatuman og sakto sa ilang katungdanan.

Kini binali na usab sa listahang gipagawas ni Presidente Rodrigo Duterte sa mga opisyal nga giingong nalambigit sa operasyon sa ilegal nga droga sa nasod.

Matud pa ni Presidential Communications Office Sec. Martin Andanar, angayan lamang nga ilhon sa gobyerno ang mga tarong nga mga opisyal sa local government units.

Dugang pa ni Andanar nga base sa gigunitan nilang naunang listahan karon, mas daghan pa gihapon sa mga lokal nga opisyal sa nasod ang limpyo og records ug ginahimo og sakto ang ilang katungdanan sa pagalagad sa katawhan.

Base usab sa impormasyon nga naggikan kang Department of Interior and Local Government Sec. Mike Sueno, naa pa sa verification process ang listahan ug wala pa’y ispesipikong criteria ang mga opisyal sa mga lokal nga kagamhanan.

Newspapers in Tagalog

Newspapers from Philippines

© PressReader. All rights reserved.