Drug test sa mga magtutudlo ug estudyante

The Mindanao Examiner Regional Newspaper - - News - (Elvira C. Bongosia)

CEBU - Ang pagpaubos sa drug test sa mga magtutudlo ug estudyante sa mga pampublikong tunghaan usa lamang sa mga seryosong gikonsiderar karon sa Department of Education (Deped).

Kini human gibutyag ni Deped Secretary Leonor Briones sa pag-atubang niini gahapon sa Senado kalabot sa pagdungog sa proposed budget sa ahensiya alang sa sunod tuig.

Matud pa ni Briones, sa gihingosgang kampanya karon sa gobyerno batok sa ilegal nga droga, giingong dili mahimong ipadaplin ug ibalewala ang mga eskuwelahan gikan sa problema sa droga ilabi na nga dako silang sektor.

“We can’t claim to be excluded and protected from the drug menace itself. We are a very, very large sector so we have to look into this issue,” matud pa ni Briones.

Sa pagkakaron, may 722,000 ka magtutudlo ug 25 ka milyong estudyante sa tibuok nasod.

Apan gitataw ni Briones nga ang drug test sa mga estudyante ‘sampling basis’ lamang nga may consent o permiso gikan sa ilang mga ginikanan.

Dugang pa sa Kalihim, paningkamotan nilang masugdan kini karong tuig.

Newspapers in Tagalog

Newspapers from Philippines

© PressReader. All rights reserved.