Pagpahimo og drivers’ license, plaka akoon na sa gobyerno

The Mindanao Examiner Regional Newspaper - - News - Bongosia) (Elvira C.

CEBU - Akoon na sa gobyerno ang pagpahimo sa drivers’ license ug mga plaka sa sakyanan.

Matud pa ni Presidential Communications Officer Sec. Martin Andanar nga sa pagkakaron, gipaabot na lamang nila ang ‘go signal’ gikan sa Department of Transportation.

Naglaom si Andanar nga masulbad na sa gobyerno ang problema sa backlog sa driver’s license ug plaka sa mga sakyanan.

Gipasabot ni Andanar nga mahimong government-to-government na ang transaksiyon ug dili na kinahanglan ang pribadong kompanya aron mohimo sa mga plaka ug lisensiya.

Dugang pa sa Kalihim, kayang himuon sa National Printing Office ug APO Production Unit Services ang tulo ka milyong backlog sa driver’s license ug lima ka milyong plaka ug gipaabot na lamang ang ilang technical requirements aron masugdan na ang paghimo niini.

Matag adlaw, gidagsa og mga reklamo ug naglagot nga publiko ang Land Transportation Office tungod kay giabtan na og tuig nga wala pa nahatag nga mga lisensiya ug plaka sa mga nag-renew ug nagpa-rehistro sa ilang mga sakyanan.

Newspapers in Tagalog

Newspapers from Philippines

© PressReader. All rights reserved.