Package nga mokantidad ug 10k paubos tax free na!

The Mindanao Examiner Regional Newspaper - - News - Pagunsan) (Leandria P.

CEBU - Maayong balita gikan sa Philippine Postal Corporation (PHLPOST) nga ang package gikan sa abroad nga mo kantidad ug P10,000 paubos wala nay bayranan nga tax.

Ang Tariff Act nga gilagdaan isip Republic Act (RA) 10863 sa Bureau of Customs miingon nga “no duties and taxes shall be collected on goods with a freight on board or free carrier value of P10,000 and below.”

Si Assistant Postmaster General Luis Carlos namahayag ang maong kalamboan usa ka kausaban nga gipatuman sa kasamtangang administrasyon nga makahatag ug benepisyo sa mga suking kliyente sa PHLPOST nga kanunay magdawat ug package gikan sa gawas sa nasud.

Mga “personal packages or parcel” gikan sa abroad nga niagi sa PHLPOST ug gipamatud-an sa customs nga mo kantidad lamang sa P10,000 paubos wala nay bayranan nga buhis.

Tanang foreign mails ug parcels nga mosulod sa nasud ipaubos sa customs examination, duties, taxes ug uban pa nga baranan.

Matud pa sa PHLPOST kini nga balaodnon ipatuman sugod Oktubre 25 human sa 15 ka adlaw nga pagmantala sa Official Gazette.

Newspapers in Tagalog

Newspapers from Philippines

© PressReader. All rights reserved.