DOLE miaghat sa suporta sa mga trabhante paghunong sa “Endo”

The Mindanao Examiner Regional Newspaper - - News - (Leandria Pagunsan) P.

CEBU - Si Undersecretary Joel Maglunsod sa Department of Labor and Employment (DOLE) mi aghat sa mga trabahante sa pribadong sektor nga suportahan ang programa sa gobyerno pag wagtang sa “Endo” o End of Contract ug mga “prohibited labor practices" dinhi sa nasud.

Gi tumbok ni Maglunsod base sa “marching order" ni Presidente Rodrigo Duterte nga padayon ang kampanya sa gobyerno pagwagtang sa “Endo” ug “illegitimate contracting.”

Kasamtangan nga gihimo sa DOLE ang pakigtagbo sa mga trabahante ug agalon ug sa mga industriya ug kompaniya nga nagpahigayon sa illegitimate contractualization ug “Endo.”

Pinaagi sa orientation-seminar ang DOLE muhatag ug katinawan nganong undangon sa gobyerno ang illegitimate contractualization, matud ni Maglunsod.

Gihimo usab sa DOLE ang assessment ug re-assessment sa mga nag-unang industriya sama sa malls, food chains, hotels, restaurants ug corporate farms.

Striktong ipatuman ang “labor laws” pinaagi sa himoong compliance visit, policy review on existing Implementing Rules and Regulations ilabi na ang balaod sa dili makatarunganong contracting ug sub-contracting ug ipatuman ang security of tenure sa mga trabahante.

Dugang namahayag si Maglunsod nga magmalamposon lamang ang kampanya sa gobyerno kung adunay suporta sa habig sa mga trabahante ug agalon.

Newspapers in Tagalog

Newspapers from Philippines

© PressReader. All rights reserved.