Katunga sa mga kontraktuwal sa gobyerno, mahimong permanente na

The Mindanao Examiner Regional Newspaper - - News - (Cebu Examiner)

CEBU - Gipahayag ni Department of Labor and Employment (DOLE) Sec. Silvestre Bello III nga katunga sa mga trabahanteng kontraktuwal sa gobyerno ang mahimo nang permanente sugod 2017.

Matud pa ni Bello na 50% sa mga contractual employees sa nagkalainlaing ahensiya, bureaus, government financial institutions ug government-owned and controlled corporations ang mahimo nang permanente sugod Enero 2017 human sa panawagan sa gobyerno sa paghunong sa kontraktuwalisasyon.

Pasabot ni Bello, nahuman na ang tanang “pertinent works” sa nagkalain-laing ahensiya sa gobyerno mao nga mahimo nang permanente ang mga contractual workers samtang ang regularisasyon sa nahabiling trabahante magpadayon sa sunod tuig.

Mahimo nilang tugotan ang kontraktuwalisasyon apan ang dawaton nga mga contractual workers angay mahatagan mga benepisyo aron matagamtaman usab nila ang mga dalang mga pribilehiyo, matud pa ni Bello.

Kalabot niini, naa sa 1.3 milyon ka regular workers ang naa sa nagkalain-laing government line agencies sa tibuok nasod samtang gibanabanang naa sa 300,000 contractual workers ang hired nga nihimo sa mga katungdanan ug responsibilidad nga ginahatag sa mga permanenteng empleyado. og

Newspapers in Tagalog

Newspapers from Philippines

© PressReader. All rights reserved.