DILG, nipasidaan batok sa pekeng opisyal

The Mindanao Examiner Regional Newspaper - - News - Bongosia) (Elvira C.

CEBU - Gipa-amping ang publiko sa Department of the Interior and Local Government (DILG) kalabot sa nadawat nilang taho nga adunay mga tawong nagpa-ilang opisyal sa ilang buhatan ug mangilkil sa mga proyekto sa local government units.

Matud pa ni DILG Sec. Ismael Sueno, ang pekeng opisyal sa DILG nagpaila sa alyas nga ‘Phia’ ug gigamit usab ang pangalang ‘Pia Alarcon’ ug giingong target niini ang mga local executives sa Luzon.

Base sa nadawat nga taho sa DILG, ang modus sa giingong pekeng opisyal mao ang pagkumbinsir sa mga local governments nga magsumiter og letter of request sa DILG alang sa funding sa local development projects.

Apil sa mga nabiktima na sa maong pekeng opisyal sa DILG ang mga local executives sa Pangasinan ug mga mayor sa Rehiyon 1, 2 ug 3 lakip na usab ang syudad sa Baguio.

Newspapers in Tagalog

Newspapers from Philippines

© PressReader. All rights reserved.