Pagkumboya sa OWWA, Landbank muhatag ug mas maayong serbisyo sa OFWS

The Mindanao Examiner Regional Newspaper - - News - (Leandria P. Pagunsan)

CEBU - Ang Land Bank of the Philippines (LBP) ug Overseas Filipino Workers Welfare Administration (OWWA) nagkumboya paghatag ug mas maayong serbisyo sa mga Overseas Filipino Workers (OFWS) pinaagi sa Electronic Payment Portal ( EPP) usa ka “online payment transaction.”

Si OWWA administrator Hans Leo J. Cacdac ug LBP President and CEO Alex Buenaventura bag-ohay lang mi pirma ug kasabutan kon “Memorandum of Agreement” mahitungod sa EPP system diin sayon ug dali na lang ang pagbayad sa mga remittancce sa OFWS.

Sa EPP ang Balik Manggagawa OFWS mahimong mobayad sa ilang membership contributions ug mo susi sa ilang financial funds pinaagi sa “internet payment options” sa Landbank.

Ang EPP ang pinaka una nga e-payment portal sa OWWA aron mahatagan sa moderno ug paspas nga collection fees ang mga kliyente niini.

Matud ni Cacdac ang panagkumboya sa LBP ug OWWA gitumong nga mahatagan ug sayon nga pamaagi ang mga OFWS pag renew sa ilang membership ug proteksyon sa ilang kontribusyon samtang nagtrabaho pa sila sa gawas sa nasud.

Newspapers in Tagalog

Newspapers from Philippines

© PressReader. All rights reserved.