Order batok sa ilegal nga sugal, gilagdaan ni Duterte

The Mindanao Examiner Regional Newspaper - - News - (Elvira C. Bongosia)

CEBU - Gimanduan ni Presidente Rodrigo Duterte ang mga ahensiyang tigpatuman sa balaod sa nasod nga hingosgan pa ang kampanya batok sa ilegal nga sugal.

Kini human gilagdaan sa Presidente ang Executive Order No. 13 o ang “Strengthening the Fight Against Illegal Gambling and Clarifying the Jurisdiction and Authority of Concerned Agencies in the Regulation and Licensing of Gambling and Online Gaming Facilities, and Other Purposes.”

Ubos niining kamanduan, ang Philippine National Police, National Bureau of Investigation ug uban pang law enforcement agencies gimanduan nga makigalayon sa Department of Justice, Department of the Interior and Local Government, ug sa Department of Information and Communications Technology sa pagpahigayon og mga operasyon batok sa ilegal nga sugal.

Gimanduan usab ang mga law enforcement agencies nga aksiyunan ang mga request sa gambling regulatory authorities sama sa Philippine Amusement and Gaming Corporation nga imbestigahan ug tapuson ang mga ilegal nga aktibidad sa nasod.

Samtang ang PAGCOR, Cagayan Economic Zone Authority, Authority of the Freeport Area of Bataan, Aurora Pacific Economic Zone and Freeport Authority ug uban pang regulatory entities gipasumite sa Office of the President og consolidated report sulod sa unom ka buwan gikan sa petsa sa pagpagawas sa EO kalabot sa ilang kampanya batok sa ilegal nga sugal.

Nakalatid pa sa EO nga dili mahimong ibalhin ang online gambling license sa ubang gambling operator.

Gilagdaan ang maong EO human gipahunong ni Duterte ang NBI ug PNP sa pagpahigayon og operasyon batok sa ilegal nga droga.

Newspapers in Tagalog

Newspapers from Philippines

© PressReader. All rights reserved.