Undocumented Pinoys sa US, tabangan sa DFA

The Mindanao Examiner Regional Newspaper - - News - Bongosia) (Elvira C.

CEBU - Gipahayag sa Department of Foreign Affairs (DFA) nga tabangan pa gihapon sa gobyerno ang mga undocumented Filipinos sa Estados Unidos nga nag-atubang sa crackdown human sa kamanduan ni US President Donald Trump nga gukdon ang mga ilegal nga langyaw sa ilang nasod.

Gipagawas sa DFA ang ilang pagtin-aw kalabot niini human ang nahimong pahayag ni Presidente Rodrigo Duterte nga dili niya tabangan ang libu-an ka undocumented Pinoy sa Estados Unidos agi og pagsunos Trump executive order nga travel ban ug paghugot sa polisiya sa immigration didto.

“The statement of the President regarding Filipinos in the United States has to be put in its proper context,” matud pa sa pahayag sa DFA.

Matud pa sa DFA nga padayon nilang panalipdan ang mga katungod sa mga Pinoy ubos sa balaod sa Estados Unidos.

Samtang gipahinumdoman sa tigpamaba sa DFA nga si Charles Jose ang mga Pilipino nga nagpuyo sa Estados Unidos nga mosunod sa balaod aron dili sila maapektuhan sa bagong polisiya sa immigration didto.

Matud pa ni Jose ng isip mga bisita sa Estados Unidos, responsiblidad sa matag Pinoy nga seguradohon nga mosunod sa sila sa balaod ug patakaran sa maong nasod.

Newspapers in Tagalog

Newspapers from Philippines

© PressReader. All rights reserved.