Barangay election gitakda na sa Comelec

The Mindanao Examiner Regional Newspaper - - News - (Elvira C. Bongosia)

CEBU - Gitakda na sa Commission on Elections (Comelec) ang Barangay ug Sangguniang Kabataan elections karong tuig taliwala sa mga lakang nga i-uswag nasad kini og balik.

Sa gipagawas nga Comelec Resolution Number 10177, gitakda ang Setyembre 23 hangtod Oktubre 30 isip election period.

Gikan Setyembre 23 hangtod katapusan sa Setyembre, buksan ang pagduso sa Certificates of Candidacy alang sa mga gustong modagan sa Barangay ug SK positions.

Samtang modagan gikan Oktubre 13 hangtod 21 lamang ang campaign period alang sa maong piniliay. Ipatuman usab sa gitakdang election period ang nationwide gun ban ug i-bawal ang paggamit og mga security personnel ug bodyguards sa mga kandidato.

Dili na usab tugotan matud pa sa Comelec ang pagbalhin og presinto sa mga botante apil na ang pagpanghadlok sa mga opisyal o kawani sa gobyerno nga mohimo sa ilang katungdanang may kalabotan sa piniliay.

Ipahigayon ang Barangay ug SK elections sa Oktubre 23, 2017 gikan alas 7 sa buntag taman alas 3 sa hapon sa tanang presinto sa tibuok nasod.

Ang tanang mokandidato kinahanglang mo-file og Statements of Contributions and Expenditures taman Nobyembre 22, 2017.

Newspapers in Tagalog

Newspapers from Philippines

© PressReader. All rights reserved.