'Napalong ang EDSA, gihuyop sa habagat'

The Mindanao Examiner Regional Newspaper - - First Page - by Jun Ledesma

UNSAY NAHITABO? Wa nako makita ang mga nawong sa mga bungasngas nga mga personaiidad nga sa niaging semana nanegurado na gyud nga ilang mabunlot si Pres. Rodrigo R. Duterte gikan sa Malacanang. Si Cardinal Antonio Tagle ug ang usa ka Tsanselor sa Unibersidad sa Pilipinas ning-apil sab sa bangi. Gusto ni Tagle nga sundon ang gihimo ni Cardinal Sin tungod kay nahulhog siya ni Bishop Socrates Villegas nga ning-ingon nga naay di maihap kay daghan kaayo nga mga Katoliko nga mopatalinghog sa tingog ni Tagle ug moatraka sa mga kadalanan nga magdala og bulak ug mga tinapay aron ipanghatag sa mga sundalo nga mobabag sa mga rali.wa ko magdahom nga lamyon ni Cardinal Tagle ang malala nga sermon ni Villegas. Human nako ni masulti, naglaum ko nga yamaron sa cardinal ang mga aktibistang kaparian aron mamalandong kun tinuod pa ba kaha karon ang panultihon nga “Vox Populi, Vox Dei”, Linatin sa “Ang Tingog sa Katawhan Mao ang Tingog sa Diyos” kun itandi sa nangaging panahon.

Wa gyud ko mobuwag sa akong radyo ug TV hangtud sa sayong kahaponon atong Domingo, apan ang mga balita tab-ang kaayo. Ang Facebook nga kaniadto puno og mga warning sa pagsanta kuno sa mga tawhanong katungod ug mga bahad gikan sa mga hasler sa pamakak nga mga propagandista nga anti-duterte tab-ang ug mingaw sama sa bakanteng mga kadalanan sa EDSA. Ang usa ka malaomon nga komplot sa laraw ningpalusot pa gyud pinaagi sa pag-ingon nga “itibo ang tanang numero sa gidaghanon sa ning-apil sa mga rali sa nagkalainlaing parte sa nasud ug ubay-ubay man sab seguro”.

Mingaw ug laay kaayo sa Davao City kun diin ang mga demonstrasyon ug mga rali-protesta ginahimo nga wa nay pupangayo og mayor’s permit.

Ang mga tawo gaistorya pa sa mga gibuhian nga mga pulong sa di mapugngan nga Mayor Inday Sara Duterte-carpio sa okasyon sa paglunsad sa Hugpong ng Pagbabago nga gilunsad og una og usa ka adlaw. “Ayaw’g bikla ning bayhana”, warning niya sa ika-upat nga pinakagamhanan nga tawo sa Pilipinas, si Speaker Pantaleon “Bebot” Alvarez.

Nasilo si Mayor Inday sa Speaker ug iyang gibatbat ang lima ka rason. Matud pa niya, nakaminos si Alvarez sa HNP tungod kay 1. Wala kini pagtugot gikan kang Pangulong Rodrigo Duterte, 2. Produkto ang HNP sa dinastiya sa politika, 3. Siya rang usa ang nagbuot-buot niini, 4. Siya ug ang iyang amahan nagbangi, ug 5. Siya ug ang core sa HNP kabahin sa oposisyon.

Ningnegar ang speaker nga iya ning gisulti apan iya gihapon nga giwawara ang bandera nga puti. Sa tinuod lang, ang HNP region ang pinakalig-on nga balwarte ni Pangulong Duterte pagdagan niya pagka Presidente. Ang Davao City nga maoy iyang teritoryo, ningdeliber og makabungog nga 98% sa tanang botante. Gisundan ni sa Davao del Norte 96%; Davao del Sur 95%; Davao Oriental 85% ug Compostela Valley 76%. Ang total nga mga botante mokabat og kapin sa tulo ka milyon, matud pa ni Mayor Inday nga naghatag og tamang kaugdang sa kontribusyon sa boto sa rehiyon sa paglunsad sa HNP.

Wala itago ni Mayor ang iyang agenda. Kun ikadeliber nila ang maong gidaghanon sa mga boto nga maoy makapadaog sa usa ka kandidato pagka Presidente bisan og ang mga botante sakop sa nagkalainlaing partido, karon nga ilawom na sila sa landong sa HNP, karon nga nahiusa na sila sa HNP, ang mga kandidato sa nasyonal kinahanglan nga makiglambigit kanila. Tininuod ni nga politika ang nagasugod og lambo. Giesplikar ni Mayor Inday nga mao lang ni ang dalan nga angayng sundon. Ang Davao Region dako og potensyal nga mahimong usa ka sentro sa paglambo sa nasud. Apan ang mga programa ug proyekto sa kalamboan dili angay nga ikonsentrar lamang sa Davao City. Iyang gipakita nga ang tanang probinsya, siyudad ug lungsod sa rehiyon adunay produkto nga ikatampo sa paglambo sa pangkinatibuk-an sama sa pagkaon, serbisyo, industriya ug mga kahigayonan.

Kun bungkag, walay gibug-aton ang ilang demand sa Kongreso aron mahatagan sila og hustong bahin sa bahandi sa nasud. Kun lig-on nga nagkahiusa, walay magbabalaod sa nasud nga dili nila makahir.

Giduslitan ug gitabang ni Mayor Inday ang genuine ug wa pa mahuman nga rebolusyon nga ang kalayo pwedeng mokatay ngadto sa ubang rehiyon nga solidong nagasuporta sa iyang amahan. Ang Pdp-laban nagtinga na nga partido nga ninglagsik lamang tungod sa emerhensiya nga giatubang sa nasud.

Niining higayona usa ka bag-ong ideyolohiya ang ginahulma. Wala kini kalambigitan sa gidaghanon sa mga botante o bisan tatak sa partido politika, kundili sa dedikasyon sa nasud ug katawhang Pilipino.

Milupad si Mayor Inday padulong sa Macau ug Hong Kong sa pagtapos sa semana aron pagtuman sa kasabotan nga mohatag og pakigpulong ug makighalubilo sa libo ka libo ka mga OFWS sa maong mga siyudad. Dinhay mga engrandeng selebrasyon niining duha ka nagkidlapkidlap nga mga espesyal nga rehiyon sa China. Mora og karnabal ang maong panagtapok sa OFWS. Dako kaayo ni og kalainan sa gisapot ug masuk-anon nga selebrasyon sa mini nga pag-alsa sa EDSA nga gisponsor sa mga kaparian ug oligarkiya ug gisuportahan og dako sa CIA.

Ningpalyar ang EDSA samtang mihuros og kusog ang bag-ong rebolusyon nga nagagikan sa habagatan.

Newspapers in Tagalog

Newspapers from Philippines

© PressReader. All rights reserved.