ياباقي محمد

Al-Sharq Bel Faseeh - - صدى المشاعر - الشاعر طالب العذبه

طريح الجرح في طب الجروح ادرا من الدكتور.

شـعـوره بـالالـم اصــدق مـن الـطـب وتحاليله.

لكن عوقٍ عجز فيه الطبيب وما وصفه شعور.

عسى الله يسمع مناجاة راعيه ويصغي له.

ابي منك العذر واستسمحك لو ماني بمعذور

عـلـى الايــــام يــا بـاقـي مـحـمـد مــا مـعـي حيله.

لو انها في يدي ما امسى عليك من العمر مذخور.

لكنها فـي يـد الـلـي كـل خـلـق الـلـه تصلي لـه.

انـــا ويــــاك فــي رجــــوا المــعــافــي وزمـــــان يـــدور.

الى شحت محاصيل البشر جادت محاصيله

شــفــاك الــلــه يـــاعـــودٍ بــنــا فــالمــرجــلــه دســتــور.

تـربـيـنـا عــلــى مـنـهـاجـه وعــشــنــا تـفـاصـيـلـه.

ياريف الظيف ياعون الرفيق وفزعة المقهور.

يــافــكــاك الــنــشــب لاضـــيّـــع المــــيــــزان والــكــيــلــه.

ياراعي المجلس اللي من دخله يوادعه مسرور.

به الفنجال الاشقر الا اختلط بنه معا هيله.

يبور الـوقـت.. لكن الامـل في خالقي مايبور.

شفاك بيده في عشر سنوات او في طرف ليله.

مايبلا الا العباد الصالحين ودربهم للنور.

طــهــور مــن الـــذنـــوب بـكـل تـكـبـيـره وتـهـلـيـلـه.

يعيش العبد عمره في اختبار وله ختام ودور.

ولابد يعرف ويش اللي عليه وويش باقي له.

Newspapers in Arabic

Newspapers from Qatar

© PressReader. All rights reserved.