OP EIE HOUT­JIE

Leer jou jap­snoet om soms al­leen te speel so­dat jy ook ’n blaas­kans kry.

Baba & Kleuter - - PEUTER - BA­BA & KLEU­TER DEUR SHANDA LUYT

Men­se wat lank en ge­luk­kig ge­troud is, sal jou ver­tel dat jy in e­ni­ge ver­hou­ding soms moet a­sem skep. Nie om­dat jul­le moeg is vir me­kaar se ge­sel­skap nie, maar om­dat ’n bie­tjie eie tyd jou ge­woon­lik help om per­spek­tief te kry so­dat jy jou e­ner­gie met her­nu­de y­wer in die ver­hou­ding kan stort.

So is dit ook met ou­er­skap. Ja, jy het jou peu­ter­tjie harts­tog­te­lik lief en niks is lek­ker­der as om met hom te speel nie. (Wie kan nou daar­die bot­ter-kan­nie-in-my-mond-s­melt-nie-ge­sig­gie weer­staan?) Maar om héél­tyd jou kind se bes­te maat­jie te wees, kan erg uit­put­tend word – ver­al as jou peu­ter die­self­de spe­le­tjie oor en oor wil speel en jy baie goed weet dat ’n hoop werk in jou stu­deer­ka­mer wag.

Kin­ders jon­ger as twee het be­slis baie aan­dag van hul ou­ers no­dig, maar jy moet da­rem nie voel of jy ver­smoor nie. Ver­al en­kel- en oud­ste kin­ders wil hul ma hul bes­te speel­maat maak, want mam­ma is ge­woon­lik die e­nig­ste maat in die om­trek.

Maar as dit vir jou te veel raak, is daar niks mee ver­keerd om jou kind in lief­de te lei om meer on­af­hank­lik te speel nie – so­lank jy ’n ba­lans hand­haaf tus­sen jou kind se al­leen­spel en spel met jou.

Hoe na­der jou spruit aan sy twee­de ver­jaar­dag kom, hoe on­af­hank­li­ker word hy in elk ge­val.

Newspapers in Afrikaans

Newspapers from South Africa

© PressReader. All rights reserved.