Tiengelieng-lieng
Die hele gesin sal pret hê met dié vrolike en maklike tamboeryne.
JY HET NODIG
• ’n Bord of bakkie van tinfoelie of
plastiek • ’n Naald of skerp stokkie om gaatjies
mee te steek • Klokkies • Dun tou of vislyn
GAAN SO TE WERK
1. Maak gaatjies reg rondom die bord of
bakkie met die naald of stokkie. 2. Trek die tou of vislyn deur ’n gaatjie en
maak een knopie. 3. Ryg ’n klokkie deur die tou en knoop dit
stewig vas. 4. Herhaal met die res van die gaatjies. 5. Wees kreatief en maak strikkies met die toutjies of knoop hulle bymekaar vas. Jy kan selfs ‘n macramé-skepping waag.