DAG 3 48-72 UUR

Jou borste begin nou waarskynlik vol en warm voel, aangesien jou melk binnekort gaan inkom. As jou kleinding gereeld gevoed het, behoort jy die minimum ongemak te verduur. As jou borste wel pynlik gestu is, sal koue kompresse verligting bring. Melk gerus ’n bietjie uit. Baba sal makliker en dieper vassuig en jy verlaag jou risiko op verstopte melkbuise en mastitis. RAADPLEEG ’N BORSVOEDKONSULTANT AS: • jou tepels beskadig en/of pynlik is, • jou baba baie slaperig is, • jou baba aan die bors skree of dit

bly weier, • jou baba te min vuil doeke het, of • jou baba meer as 10 persent van sy geboortegewig verloor het, hoewel laasgenoemde nie noodwendig op ’n probleem dui nie. Het jy binneaarse vloeistof tydens die bevalling gekry? Dit kon jou baba se geboortegewig misleidend verhoog het. Ignoreer hierdie waarskuwingsteken gerus as geen van bogenoemde simptome teenwoordig is nie.