STRUI­KEL­BLOK­KE & OP­LOS­SINGS

Baba & Kleuter - - JOU PASGEBORENE -

1 DIS SEER AS SY VASSUIG

Dit is nor­maal dat jou te­pels aan­vank­lik seer is wan­neer jou ba­ba vassuig, maar die pyn is nie ver­on­der­stel om lan­ger as ’n mi­nuut te duur nie. Be­proef die vol­gen­de om te sorg dat jou ba­ba be­hoor­lik vassuig: • Sorg dat jy ge­mak­lik sit of lê en bring jou ba­ba na jou lyf toe – moe­nie af­buk na jou ba­ba op jou skoot om te borsvoed nie. • Jou ba­ba suig goed vas as haar ken en neus teen jou bors druk, die on­der­lip uit­ge­krul en die te­pel en a­re­o­la in haar mond is. • Jou ba­ba d­rink goed as haar wan­ge­tjies ef­fens in­ge­trek is, daar be­we­ging om haar sla­pe is en jy kan hoor hoe sy sluk.

2 GEBARSTE OF SEER TE­PELS

Teer te­pels is nor­maal, maar seer te­pels nie. Gebarste of seer te­pels ont­staan ge­woon­lik om­dat ba­ba ver­keerd vassuig. Bors­voe­ding be­hoort nooit seer te wees nie. Jou ba­ba moet op die reg­te ma­nier aan die bors be­gin suig om ’n goeie suig­re­fleks aan die gang te kry. Voor­kom seer te­pels so: • Sorg dat jou ba­ba na jou bors kyk, dus met sy lyf teen­aan jou­ne is en hy nie op sy rug­gie met sy ge­sig na die bors ge­draai lê nie. • Moe­nie weg­beur as dit teer is nie. Dit laat die te­pel uit sy mond glip so­dat hy net aan die punt­jie suig, wat die pro­bleem ver­er­ger. Jou he­le a­re­o­la moet in jou ba­ba se mond wees. Byt net vas, want ná ’n paar mi­nu­te be­hoort die pyn min­der te word. • Ge­bruik ’n goeie te­pel­room, maar wend dit spaar­sa­mig aan. As jy te veel ge­bruik maak jy die te­pel sag­ter en meer ge­neig om te bars. • Gee die te­pels ook tus­sen voe­dings lug en laat bors­melk op die te­pel droog word.

3 STUWING

Soms word jou bors­te so vol, ge­swel en hard dat ba­ba dit nie reg­kry om vas te suig nie. Stuwing kom voor as daar feit­lik geen vloei uit die bors­te is nie, geen melk lek nie en die vel blink en ge­span is.

Daar is ook dik­wels knop­pe on­der die vel, die ok­sels is be­son­der pyn­lik, die bors is seer met aan­ra­king en jy kan warm, swe­te­rig en be­we­rig voel. Hier is raad vir vol bors­te: • Pak ná ’n voeding kool­bla­re wat in die ys­kas ge­bê­re is op die bors en hou dit daar tot die vol­gen­de voeding. • S­taan in ’n warm stort ter­wyl jy jou bors­te mas­seer om vloei te sti­mu­leer en die a­re­o­la sag te maak so­dat ba­ba goed kan vassuig. • As daar steeds nie ge­noeg melk­vloei is nie, klop by ’n fi­si­o­te­ra­peut aan wat jou bors­te met ul­tra­klank kan be­han­del. Hier­die be­han­de­ling is heel­te­mal pyn­loos en baie doel­tref­fend.

4 MASTITIS

Dit be­gin ge­woon­lik as ’n pyn­li­ke plek op een deel van die bors. Dit kan rooi en warm wees wan­neer jy dit aan­raak en sal baie seer wees. Skie­li­ke griep­simp­to­me loop ge­woon­lik die teer­heid van die bors voor­uit. Dit sluit in koors, koue ril­lings en ’n seer lyf, naar­heid en bra­king.

Mastitis kan baie erns­tig word as dit nie vin­nig be­han­del word nie om­dat dit ’n ab­ses in die bors kan ver­oor­saak. Die e­nig­ste ma­nier om mastitis te be­han­del, is met an­ti­bi­o­ti­ka.

Dis vei­lig om jou ba­ba uit die aan­ge­tas­te bors te voed en dit sal ook help om jou mastitis te be­han­del. Jou klein­ding kan wel wei­er om die melk uit die aan­ge­tas­te bors te d­rink om­dat die in­fek­sie dit an­ders laat smaak. As ba­ba heel­te­mal wei­er om die bors te neem, moet jy met ’n bors­pomp uit­melk.

5 BORS­TE WAT LEK

Som­mi­ge vroue het ’n ster­ker sak­re­fleks as an­der en daar­om sal hul bors­te mak­li­ker lek of selfs spuit. Wan­neer bors­te lek is dit meest­al die dun­ner voor­melk wat uit­kom en hou dit geen ge­vaar of pro­bleem in nie be­hal­we dat dit mor­sig is. Hou al­tyd bors­doe­kies by­der­hand as jou bors­te ge­neig is om te lek.

Newspapers in Afrikaans

Newspapers from South Africa

© PressReader. All rights reserved.