ANDER SIEKTES
Covid-19 oorheers die nuus; dis te verstane. Allerhande gesondheidsorganisasies waarsku egter dat lande nie kan slaplê met die voorkoming en behandeling van ander siektes nie. Wanneer inentingskedules nie nagekom word nie, kan dit later in die jaar grootskeepse infeksies tot gevolg hê, waarsku die Wêreldgesondheidsorganisasie ( WGO). Uit navorsing by die Johns Hopkins- universiteit in Amerika blyk dit dat tot ’n miljoen vroue en kinders in lae- en middelinkomstelande binne die volgende ses maande kan sterf omdat die pandemie roetine- gesondheidsorg ontwrig het. Die gevare sluit in dat voorbehoeding nie beskikbaar is nie en dat voorgeboorte- en nageboortesorg asook inentings ontwrig word. Toegang tot toerusting, voorraad en personeel word ook gekniehalter. ’n Styging in malaria- en maselsgevalle word verwag. Boodskap aan ons lesers: Moenie dat die pandemie jou laat vergeet van jou kind se gewone inentings nie. Dis nou belangriker as ooit.
Breinvliesontsteking is seldsaam, maar dit kan ’n lewe binne 24 uur eis. Veral babas jonger as 12 maande en tieners val in die risiko-groep vir dié gevaarlike siekte, wat selfs met behandeling tot permanente breinskade kan lei. Inenting is die heel beste manier om jou gesin te beskerm.
Dit kom meestal tussen Mei en Oktober voor. Die gemiddelde voorkoms die afgelope dekade in die hele bevolking was 1 uit 100 000, maar onder babas is dit 8 uit
100 000. Tot ’n kwart van tieners is draers van die siekte.
Stywe nek, hoë koors, sensitiwiteit vir lig, hoofpyn en braking. Lees ook meer daaroor in die gids wat saam met hierdie
versprei word.
Praat met jou apteker oor inentings vir die hele gesin.