1995­All Blacks ‘ver­gif­tig’: Dis sen­sa­sie – Gy­sie

Beeld - - News - Ge­or­ge Ger­mis­huys

Van 1995 se S­pring­bok­ke en be­stuurs­le­de is stom­ver­baas en geir­ri­teerd om­dat die sto­rie oor gif in die All Blacks se wa­ter in daar­die jaar se Wê­reld­be­ker­rug­by­toer­nooi weer loop.

Ro­ry S­teyn, voor­ma­li­ge lyf­wag van Nel­son Man­de­la, het on­langs aan die Nieu-See­land­se me­dia ge­sê dob­belsin­di­ka­te het waar­skyn­lik die All Blacks se wa­ter, wat ook vir hul kof­fie en tee ge­bruik is, die Don­der­dag voor die eind­stryd ver­gif­tig.

Die All Blacks was die guns­te­ling-span in die toer­nooi en die sin­di­ka­te kon baie geld ge­maak het as die S­pring­bok­ke sou wen.

Die Nieu-See­lan­ders het die eind­stryd met 12-15 ver­loor.

Ru­dy Jou­bert, die S­pring­bok­ke se teg­nie­se raad­ge­wer in die toer­nooi, kan nie glo die sto­rie het weer kop uit­ge­steek nie.

“Jy kan nie eens meer die Nieu-See­lan­ders hier­voor bla­meer nie, want ek glo die sto­rie is ook nou al vir hul­le ge­da­ne sake. Die All Blacks het im­mers die Wê­reld­be­ker nou twee keer ag­ter­een­vol­gens ge­wen. Hul­le dink nie meer aan 1995 nie.”

Jou­bert is ook nie se­ker hoe die All Blacks ver­gif­tig kon word nie.

“Ek ont­hou hul­le het na­by die Vil­la­ge Walk-sen­trum in Sand­ton tuis­ge­gaan en ’n he­le paar van die spe­lers het in daar­die spog­ge­ri­ge re­stau­ran­te gaan eet.

“As jy so kort voor ’n eind­stryd iets in­te­res­sants wil eet, moet jy die ge­vol­ge daar­van dra.”

Gy­sie Pie­naar, des­tyd­se S­pring­bok-hulp­af­rig­ter, sê dit is sto­ries wat men­se van bui­te rug­by ver­sin.

“Die All Blacks sal hul­self nie met sul­ke sto­ries be­sig hou nie.”

Hul­le het boon­op baie goed ge­speel vir ’n span wat “ver­gif­tig” is. Hen­nie le Roux, die Bok­ke se bin­ne­sen­ter in die eind­stryd, sê: “Ons is nou moeg vir die sto­rie. Ek glo da­rem nie die ge­rug­te be­ïn­vloed ons pres­ta­sie en na­la­ten­skap as ’n span nie, maar dit neem tog ’n bie­tjie van die glans weg.”

A­dri­aan Rich­ter, ’n lid van 1995 se Wê­reld­be­ker-groep, het ver­le­de jaar op die 20 jaar­re­ü­nie ge­sê hy lag maar net as daar oor die ver­gif­ti­ging en “Su­zie” ge­praat word.

“Su­zie” was glo die vrou wat die All Blacks “ver­gif­tig” het.

“Dis be­ter om die lig­ter kant te sien, an­ders raak jy on­no­dig kwaad daar­oor. Dit lyk as­of dit tra­di­sie ge­word het om van Su­zie se hand in die All Blacks se kof­fie te praat.”

S­teyn het toe­ge­gee dat ’n pri­va­te speur­der wat des­tyds op aan­drang van die All Blacks se span­be­stuur aan­ge­stel is geen be­wys van ver­gif­ti­ging kon kry nie.

“By­na twee der­des van die span is ver­gif­tig en hul­le het be­hoor­lik siek ge­word.

“Ek dink dit was die wa­ter wat ver­gif­tig is, want die kos wat be­dien is, was ham­bur­gers en hoen­der­bur­gers.” MARY­ANN PALMER

Ro­ry S­teynFo­to:

Newspapers in Afrikaans

Newspapers from South Africa

© PressReader. All rights reserved.