R­wan­da kan SA e­ko­no­mie­les gee

Beeld - - Sakenuus - El­vi­ra Wood

A­fri­ka het dié week sy aan­dag op R­wan­da ge­ves­tig met die sit­ting van die Wê­reld E­ko­no­mie­se Forum (WEF) se A­fri­ka-kon­gres in Ki­ga­li.

Suid-A­fri­ka­ners mag dalk vra hoe­kom in R­wan­da en nie in ’n gro­ter land nie?

El­sie Kan­za, hoof van A­fri­ka­be­lan­ge by die WEF, sê in ’n ver­kla­ring dit is om­dat R­wan­da ’n voor­beeld stel waar­van die res van die vas­te­land ge­rus ken­nis kan neem.

Suid-A­fri­ka, met sy bru­to bin­ne­land­se pro­duk (BBP) van $313 mil­jard in 2015 – am­per 32 keer gro­ter as R­wan­da se BBP van $9,8 mil­jard in 2014 – het raak­pun­te met dié land.

Al­bei het in 1994 ’n nu­we po­li­tie­ke be­de­ling be­tree, maar ter­wyl die In­ter­na­si­o­na­le Mo­ne­tê­re Fonds (IMF) voor­spel dat SuidA­fri­ka se e­ko­no­mie met net 0,6% in 2016 en 1,3% in 2017 sal groei, is sy voor­uit­sig vir e­ko­no­mie groei in R­wan­da on­der­skei­de­lik 6% en 7%.

Die R­wan­de­se re­ge­ring het se­dert 2010 ’n fis­ka­le kon­so­li­da­sie­stra­te­gie toe­ge­pas wat spe­si­fiek daar­op fo­kus om staats­geld met oor­leg te be­stee en skuld bin­ne per­ke te hou. Die land se fis­ka­le be­leid on­der­steun sy stra­te­gie vir e­ko­no­mie­se ont­wik­ke­ling en die ver­min­de­ring van ar­moe­de.

Dit is in 2008 as ’n vyf­jaar­plan be­kend ge­stel om e­ko­no­mie­se groei te be­vor­der. Die twee­de fa­se daar­van het in 2013 be­gin en loop in 2018 ten ein­de.

Dit sluit ook ’n na­si­o­na­le stra­te­gie vir die in­lig­ting-, kom­mu­ni­ka­sie- en teg­no­lo­gie­sek­tor in, waar­mee R­wan­da hoop om die teg­no­lo­gie-mid­del­punt van Oos- A­fri­ka te word. Die re­ge­ring sê die pro­jek vor­der soos be­plan en 4G-sel­foon­teg­no­lo­gie is reeds gra­tis in groot de­le van die land be­skik­baar.

Die suk­ses van sy groei­stra­te­gie blyk uit R­wan­da se vor­de­ring van die 80ste plek op die wê­reld­me­de­din­gend­heids­rang­lys in 2010 tot 58ste in 2015. Dit maak R­wan­da die der­de mees me­de­din­gen­de land in A­fri­ka ná Mauritius en Suid-A­fri­ka.

Vol­gens die Wê­reld­bank is R­wan­da in die 62ste plek op die rang­lys van lan­de waar dit die mak­lik­ste is om sa­ke te doen, ho­ër as Suid-A­fri­ka, wat 73ste is.

Nog ’n aan­wy­ser dat R­wan­da ie­wers iets reg doen, is dat, on­danks die feit dat kre­diet­gra­de­rings­a­gent­skap­pe hom lank reeds rom­mel­sta­tus ge­gee het, bui­te­land­se reg­streek­se in­ves­te­ring van 2013 tot 2015 ver­vier­dub­bel het tot $1,2 mil­jard vol­gens die Glo­bal In­ves­t­ment T­rends Mo­ni­tor.

Ná 22 jaar van ’n nu­we po­li­tie­ke be­de­ling glo die WEF die won­de van die volks­moord op by­kans 800 000 R­wan­de­se is nou iets van die ver­le­de, en die land se toe­koms lyk heel roos­kleu­rig.

Dít ter­wyl dit lyk of Suid-A­fri­ka te­rug­sak na­dat hy van­dees­week vol­gens die IMF af­ge­skuif het tot die der­de groot­ste e­ko­no­mie in A­fri­ka na dié van Ni­ge­rië en E­gip­te.

R­wan­da en Suid-A­fri­ka word steeds deur groot uit­da­gings in die ge­sig ge­staar, maar te oor­deel na die po­si­tie­we me­di­a­dek­king wat R­wan­da tans van die wê­reld­me­dia ge­niet, lyk dit of die Suid-A­fri­kaan­se af­vaar­di­ging na Ki­ga­li kan baat vind daar­by om met ’n oop ge­moed in ge­sprek te tree met die R­wan­de­se.

Fo­to: REUTERS

Die R­wan­de­se e­ko­no­mie gaan vol­gens die In­ter­na­si­o­na­le Mo­ne­tê­re Fonds in 2016 met 6% en in 2017 met 7% groei teenoor Suid­A­fri­ka se ver­wag­te groei van 0,6% in 2016 en 1,3% in 2017.

Newspapers in Afrikaans

Newspapers from South Africa

© PressReader. All rights reserved.