Twee kok­ke maak een bo­bo­tie

Beeld - - Leefstyl - ERRIEDA DU TOIT @huis­kok

Wan­neer ’n huis­kok van Bell­vil­le die kok ag­ter die nu­we boek My Ca­pe Ma­lay Kit­chen na haar kom­buis nooi, ont­dek hul­le ’n ge­deel­de lief­de vir bo­bo­tie wat hul­le “bloed­fa­mi­lie” maak.

Aan my ma se ta­fel het ek bo­bo­tie leer eet, Kook en ge­niet het my dit leer maak, en Kaaps-Ma­lei­se kook­boe­ke en die kos­ken­ner Pe­ter Velds­man het my die fy­ner kuns ge­leer.

Ek het selfs by die fi­lo­soof Mar­thi­nus Vers­feld die truuk ge­leer om sky­fies pie­sang bo-op te sit voor­dat die vla oor­kom. Ek het ag­ter kos­ge­skied­kun­di­ges die voor­va­ders pro­beer vind en die stam­boom be­snuf­fel. Ek het ge­dink ek kén bo­bo­tie.

Toe stap Ca­rie­ma I­saacs, ’n vrou van Kaaps-Ma­lei­se her­koms wat in Du­bai woon, oor my drum­pel met bo­bo­tie in haar ge­ne­ti­ka. En ek leer hoe­kom ons bo­bo­tie maak.

I­saacs was in Suid-A­fri­ka vir die uit­rei­king van haar kook­boek. Toe ek haar aan­vank­lik ge­vra het om die geu­re uit die ou Dis­trik Ses en Bo-Kaap na my voor­ste­de­li­ke kom­buis te bring, was my plan an­ders. Iets soos ro­ti om saam met skaap­ker­rie te eet, of den­ning­vleis, of dalk “ma­vrou”, die tra­di­si­o­ne­le ge­reg wat sy op haar trou­dag vir 500 gas­te be­rei het. Of ’n ris­sie-ge­geur­de blom­kool­bre­die (vol­gens haar die hei­li­ge graal van bre­dies), of dalk die wor­tel­bre­die wat sy graag vir haar siek pa ge­maak het met die hoop dat die o­ran­je sy dag sal op­hel­der. By die bo­bo­tie het ek ver­by­ge­blaai – ek kén dit mos.

Eers toe ek die voor­woord lees, het ek be­sef haar ou­ma aan va­ders­kant het haar leer kook, maar haar pa, Moe­ga­mad Ras­haad I­saacs, het haar iets meer waar­de­vol ge­leer: hoe­kom ons kook.

Haar pa, wat ja­re lank ’n be­stuur­der by die Ca­pe Ti­mes was, was ’n be­siel­de kok. Hy het sy fi­lo­so­fie uit­ge­leef dat kos­maak ’n vorm van ge­bed of me­di­ta­sie is, ’n ak­sie van lief­da­dig­heid (en daar­om so te­ra­peu­ties), dat el­ke be­stand­deel in die ge­reg ’n god­de­li­ke oor­sprong het, dat kos­maak jou diens­baar maak en jou die ge­leent­heid gee om iets van jou­self te gee.

Hy het ge­glo dat kook as ’n lief­des­daad be­skou moet word, an­ders ein­dig jy bloot met ’n on­ge­ïn­spi­reer­de hoop warm be­stand­de­le.

Ek wou die “hoe­kom ons kook” weer deel maak van my bo­bo­tie-er­va­rings­veld. Ek wou die on­no­dig ver­de­len­de bek­ge­veg­te oor bo­bo­tie-ei­e­naar­skap (daar is kos­men­se wat van die bo­bo­tie-batt­le praat) ver­vang deur ’n saam­bin­den­de ge­not van bo­bo­tie-maak.

Nie dat my nuus­kie­rig­heid oor re­sep­te se oor­sprong ge­tem word nie. Bo­bo­tie wil ek net ge- niet son­der ’n de­bat oor her­koms. ’n Ge­reg vir vo­ren­toe kyk. Ek het my ma­nier ge­vind.

Wan­neer ek weer vir my ma bo­bo­tie maak, gaan ek, soos I­saacs in my kom­buis het, be­gin deur ’n oom­blik af te staan om dank­baar te wees vir die be­stand­de­le, dan my han­de in me­di­ta­sie was, ’n skoon be­gin om iets uit lief­de te skep.

My deur­leef­de Kook en ge­niet val van­self oop op bl. 195, die pa­pier be­spat en vol kol­le om­dat ek en my man die bo­bo­tie al 33 jaar saam maak. I­saacs se boek het nog net en­ke­le kook­vlek­ke op van die Du­bai­se en die Wel­ge­moedse kok se eer­ste saam­kook.

Die no­ta wat sy by haar boek se bo­bo­tie­re­sep vir my ge­los het om te ont­dek, gaan waar­skyn­lik be­paal wat­ter bo­bo­tie ek voor my ma gaan neer­sit: “I lo­ved the lo­ve u­sed w­hen we we­re both cook­ing our bo­bo­tie.”

Van nou af maak ek ’n ver­snit­bo­bo­tie. Dit gaan nie so­seer oor ’n Bo-Kaaps-Bell­vil­le- of ’n Kaaps-Ma­lei­se boe­re­kos­ver­snit nie, maar eer­der oor ’n nu­we vriend­skap wat on­der ’n goud­bruin ei­er­vla saam­ge­smelt het tot “ons bo­bo­tie”.

Errieda du Toit is die in­houds­ver­vaar­di­ger: kos van Koe­ke­door. Haar boek Tuis­ta­fel ver­skyn in Ok­to­ber.

Fo­to’s: IAN DU TOIT

’n Huis­kok uit Du­bai kui­er en kook by ’n huis­kok van Bell­vil­le: Ca­rie­ma I­saacs en Errieda met haar bo­bo­tie in Errieda se ma se er­de­bak.

Newspapers in Afrikaans

Newspapers from South Africa

© PressReader. All rights reserved.