Pa­ra­me­di­kus storm in bran­den­de bus vol rook in

Beeld - - Nuus - Han­ti Ot­to

Die rook in die bran­den­de bus was so dig en ver­stik­kend dat Lu­kas Hat­tingh eers twee treë te­rug ge­gee, sy a­sem diep in­ge­trek en toe weer in­ge­storm het, ge­wa­pen met net ’n brand­blus­ser.

“Noem dit maar pa­ra­me­di­ci­in­stink, ek weet nie. Maar daar was nog so drie men­se in die bus, ’n klomp be­seer­des langs die pad na­by die bus en voer­tuie het nog ver­by ge­ry. Die si­tu­a­sie was ge­vaar­lik en ek moes iets doen,” het hy sy man­haf­ti­ge op­tre­de Vry­dag­aand ver­dui­de­lik.

Net ná 18:00 het ’n bus­on­ge­luk die ver­keer op die be­rug­te Mo­lo­to­pad noord­oos van P­re­to­ria weer eens tot stil­stand ge­bring.

’n Put­co-bus het van ag­ter in ’n an­der bus vas­ge­ry.

Hat­tingh, ’n pa­ra­me­di­kus, se skoon­pa, An­dré Fou­rie, het hom ge­roep toe hy van die on­ge­luk hoor.

Fou­rie werk vir die Fir­stRo­ad E­mer­gen­cy-in­sleep­diens.

Die en­jin van een van die bus­se het nog ge­lui­er. Hat­tingh kon hoor die en­jin se toe­re neem vin­nig toe. Vlam­me het uit die pa­neel­bord ge­kom.

“Toe vrek die en­jin en vlam­me be­gin ook by die be­stuur­der se sit­plek uit­kom,” sê Hat­tingh.

Die mees­te pas­sa­siers het reeds langs die bus ge­sit, maar daar was nog so drie men­se bin­ne toe die rook deur die bus be­gin bor­rel.

Die ver­keer waar­deur die nood­diens­voer­tuie moes suk­kel om die on­ge­luks­to­neel te be­reik, het in­tus­sen ki­lo­me­ters ver op­ge­dam.

Net die skoon­seun en skoon­pa was be­skik­baar om te help.

Hat­tingh het vir die pas­sa­siers langs die bus ge­sê om pad te gee, want die vlam­me het al hoe meer ge­word.

Fou­rie het ’n brand­blus­ser wat hy in die in­sleep­voer­tuig hou vir sy skoon­seun aan­ge­gee.

Teen dié tyd het die vlam­me ook on­der die bus uit­ge­kom.

Hat­tingh het vir die drie men­se in die bus ge­skreeu om uit te klim.

“Hul­le is be­seer, maar ge­luk­kig was al­mal taam­lik be­weeg­lik en kon uit­kom.”

Hat­ting is met die brand­blus­ser die bus­trap­pies op.

“Toe gee ek maar weer so twee tree te­rug, haal diep a­sem en hou my a­sem op voor­dat ek met die spui­ten­de brand­blus­ser weer die bus in is.”

Dit het so­wat tien mi­nu­te ge­duur om die vlam­me te blus.

Na­dat die vlam­me in be­dwang ge­bring is, het ’n hoe­sen­de Hat­tingh die 32 pas­sa­siers on­der­soek om die erg­ste be­seer­des eer­ste te help.

Langs die an­der bus het hy ’n vrou aan­ge­tref wat agt maan­de swan­ger is. Sy het oor pyn en kram­pe ge­kla. Hat­tingh het haar on­der­soek en ge­sê hy sou se­ker maak dat sy in een van die eer­ste am­bu­lan­se ge­laai word wat kort daar­na op­ge­daag het.

Hulp het be­gin op­daag en hy kon a­sem skep.

Jo­han Pie­ter­se van die Tshwa­ne-nood­diens­te sê die brand is voor die brand­weer se aan­koms ge­blus.

Hy het be­ves­tig dat drie pas­sa­siers erns­tig be­seer is.

Lu­kas Hat­tingh

Newspapers in Afrikaans

Newspapers from South Africa

© PressReader. All rights reserved.